Vie Won Won (已結業)

今日想有一个good morning，于是早早起身梳洗，去呢间装修充满西方风格嘅餐厅食个靓早餐，一入到去就俾佢啲油画同古典设计嘅家俱所吸引，第一时间拎起相机影低佢～环境就真系几靓，而食物嘅味道配搭就有啲创新，好唔好食就好见人见智～✎ 焙茶麻糬贝果如果净系食bagel嘅表皮就会试到淡淡焙茶味，但系因为佢入面有粒麻糬， 两样一齐食嘅话，麻糬嘅甜味就会盖过bagel嘅焙茶味，要两只味都试到就真系分开食～另外，bagel可以沾cream食，cream有两只味拣，蜂蜜炸蒜同洋葱忌廉，我拣咗蜂蜜炸蒜，但系味道咸咸哋，都冇乜蜂蜜味，连埋bagel食，又咸又甜，个人觉得个味有啲奇怪。。✎ 迷幻蘑菇食落真系几「迷幻」吓，事关个味道唔系人人都接受到！上面粉红色个菇头表面冰冻，食落甜甜哋但系同时都食到辣味！！！入面仲有啲酸酸哋嘅红莓酱，真系甜酸辣都试齐，差个苦味。表面滑，放入口口感似食紧雪葩，味道方面个人觉得似药水味。。。食咗几啖已经食唔到落去。。。下面菇身食落都系似雪葩口感，而味道就似芒果奶冻味，呢部份就比较易入口。呢碟真系食到我一言难尽。。。✎ 丸久小山圆玄米柚子梳打 梳打味比较浓，似斋饮梳打水，只有淡