潮薈館

营业中

休息中

潮荟馆 (九龙城)九龙城福佬村道62-64号福联大楼地下B号舖椒盐九肚鱼$128炸九肚鱼真系潮洲菜必吃！佢炸到超级脆卜卜，又炸得好均匀❤️🥳 好爱，十分爱。一碟既份量十分多，我哋两个人食都就食唔哂，一路食一路配啤酒！真系不得之了，呢个要反兜❤️❤️蚝仔砂锅粥例牌$138蚝仔粥系好抵食，一个例牌入面有成30只以上，啲蚝都洗得好干净！无沙，亦都好重蚝味👍🏻👍🏻 我哋嗌左例牌都食净半兜，例牌都好大兜，如果4个人分就够哂数，下次叫多两个人去！🥳家乡反沙芋$108首先外观方面，芋头嘅长度，厚度相约，叠放得整整齐齐，卖相唔错！配合面头一层雪白嘅糖粒，好有中式甜品嘅气派。食材方面，芋头本身好靓，起沙，够粉，而且芋头味道好香浓！个芋头靓到个程度系：唔调味，就咁食都好好好食！所以再配合一层薄薄糖衣增加甜度，简直系锦上添花。我非常中意哩款甜品！金银蛋浸时蔬$98今次我哋拣咗小白菜。小白菜煮得够淋，而且大部份都系完整一棵。（试过有餐厅嘅小白菜菜叶甩左好多，影响口感）汤底唔会过度调味，微咸，唔会盖过菜本身嘅清甜味。值得一赞嘅系金银蛋嘅份量多，夹每啖菜都会连蛋一齐夹埋入口。