家賀屋刺身寿司專門店

湾仔返工食日本野其实去黎去去都系个几间，家贺屋就系其中食得最多嘅。 lunch set就成日食，今晚终于黎试下晚市菜式。法国圣马天尼生蚝同西班牙特级银堡垒生蚝都好新鲜有光泽，简单用酸汁提鲜，蚝味都好浓，好钟意先有海水味，余味超鲜甜，滑溜creamy。西京烧三文鱼鲛估唔到系全晚最惊喜，平时食开嘅鱼鲛都系偏干盐烧，所以冇乜期望，但呢个完全系一个新境界。 三文鱼鲛本身非常新鲜高质，超多肉汁有鱼油，多肉到好似食紧三文鱼扒咁。 西京烧做法好入味，调味唔会太甜，好惹味。生烧白鳝皮脆厚肉弹牙，满足到想食肥美白鳝嘅欲望。