Amitie Kitchen

营业中

休息中

有日黎H8食饭先发现原来Amitie都搬左黎H8！之前系网上经常见到好多人食推介呢间餐厅，今晚就决定收工黎见识下。呢度都几大，坐到50人左右，灯光偏暗，行法国菜风格，虽然个feel其实比较似cafe多啲哈哈。呢度有Dinner set，啱晒我今晚一支公。Set包左餐汤、前菜沙律、主菜仲有饮品，加一后$300左右。前菜系炸蚝莲藕片沙律。炸蚝有两只，每只有两个$1咁大都几合格。外脆内爆汁，几正。沙律菜预拌沙律醋，酸酸地够开胃。餐汤系蘑菇汤，蘑菇味绝对够啊，几欣赏。唔会太稀又唔会太结，啱啱好啊。餐包有成三款咁多，分别系牛角包、竹炭饼干仲有牛油餐包。有果酱又有牛油拣，食完都饱左两成。主菜西京烧比目鱼柳，伴碟有酸萝卜仲有甜姜。比目鱼都几大块，西京烧烧汁甜甜地，如果有得配饭就一流喇，肉质保持到比目鱼既嫩滑！跟餐系基本既汽水、啡茶之类，我就加左$15要左杯宇治抹茶牛奶朱古力。黎到都几大杯，落左抹茶粉，沉底架所以记得要搞一搞，但系饮落又唔系好够抹茶味，又或者话朱古力奶味太强盖过左。味道确实系偏甜既，dinner set无甜品，就用呢杯代替吧。呢度出餐速度唔错，15分钟内到齐，枱与枱之间距离都够私隐度。