MAZ Thai & BBQ (已結業)

本身好中二食泰菜，加上天气凉凉地，食下辣野好正。于是去左MAZ Thai & BBQ。首先整个生蚝食下，配上白酒，生蚝唔算肥，岩我口味。海水味都几浓，配上泰式辣汁，一入口好滑同鲜甜，唔错。之后叫左半打猪、牛、鸡肉串，好入味，不过唔算太突出。重头戏系冬荫公加海鲜拼盘，可以一路放唔同海鲜系冬荫公度煮，所以汤一路滚，我地又可以一路食住热辣辣海鲜。最惊喜系有花胶，好滋润呀！虾同蚬非常新鲜，虾就爽甜，蚬就肥美，至于墨鱼滑就弹牙。最后放埋肉丸同金菇吸晒海鲜既甜，再饮埋足料到爆既汤，好有满足感。由于小朋友食唔到辣野，叫左海南鸡饭，足足有半只去骨鸡配上油饭，鸡肉都几嫩滑。另外加条盐烧马友，鱼肉好滑嘟嘟，而且入味，唔使点酱都已经好鲜，阿仔自己一个食左大半条。食得泰国野点可以少左芒果沙冰，食完辣野，饮啖冰冻感直冲上脑既芒果沙冰简直完美。