影片
更多
2022-12-24
157 浏览
系金钟见到间有着西式装修嘅但系骨子里系中菜餐厅。比佢外型吸引住。店员细心嘅介绍餐厅嘅资料。餐厅Auntie AY，系昔日服侍大户人家嘅白衫黑裤「马姐」，专职照顾主人家、其亲朋戚友及贵客。马姐通常具备出色厨艺，致力展现粤式手工菜精髓！餐厅以时间飞船设计，带领大家去到旧香港。一路享受住美食，一路欣赏咁有心机嘅装修。🤩怀旧芝麻糖脆皮鸡真系赢在细节上。呢只鸡外型已经好吸引，竟然可以起咗骨之余，又砌返只凤凰形状嘅图案出嚟。个老板一定好有心思。仲要识落好脆口，加埋芝麻口感更有层次。🤩鲍汁一品砂锅饭朋友就喜欢呢个锅饭。因为佢主导每粒饭嘅口感都带点烟韧。有少少似西班牙炒饭嘅饭粒咁。再用上成嘅鲍汁捞落个饭度，好好味。🤩八仙过海拼盘呢个拼盘真系有新意，唔系𠮶啲普通又沉闷嘅前菜。拼盘有避风塘素鱿鱼、盐水鸡丝、芝麻核桃、醉猪肚配萝卜丝、黑毛猪叉烧、椒盐豆腐、鲍鱼片、海蜇。一次满足晒好贪心嘅要求。🤩红枣螺头炖鸡汤天气咁冻，有返啲乱新嘅汤水饮吓就一流。佢呢个用咗红枣同螺头来炖煮只鸡。一啲都冇肥腻感，饮落好舒服。🤩金沙大虾碌系邪恶之首嘅食品。用咗咸蛋黄你包住只虎虾。连啲虾壳到炸到脆卜卜。我就成只食晒。🤩清蒸老虎斑蒸
餐厅以时间飞船设计，带领大家去到旧香港。一路享受住美食，一路欣赏咁有心机嘅装修。
🤩怀旧芝麻糖脆皮鸡
真系赢在细节上。呢只鸡外型已经好吸引，竟然可以起咗骨之余，又砌返只凤凰形状嘅图案出嚟。个老板一定好有心思。仲要识落好脆口，加埋芝麻口感更有层次。
🤩鲍汁一品砂锅饭
朋友就喜欢呢个锅饭。因为佢主导每粒饭嘅口感都带点烟韧。有少少似西班牙炒饭嘅饭粒咁。再用上成嘅鲍汁捞落个饭度，好好味。
🤩八仙过海拼盘
呢个拼盘真系有新意，唔系𠮶啲普通又沉闷嘅前菜。拼盘有避风塘素鱿鱼、盐水鸡丝、芝麻核桃、醉猪肚配萝卜丝、黑毛猪叉烧、椒盐豆腐、鲍鱼片、海蜇。一次满足晒好贪心嘅要求。
🤩红枣螺头炖鸡汤
天气咁冻，有返啲乱新嘅汤水饮吓就一流。佢呢个用咗红枣同螺头来炖煮只鸡。一啲都冇肥腻感，饮落好舒服。
🤩金沙大虾碌
系邪恶之首嘅食品。用咗咸蛋黄你包住只虎虾。连啲虾壳到炸到脆卜卜。我就成只食晒。
🤩清蒸老虎斑
蒸鱼好似好简单，但系掌握火候实在好难。煮过嘅朋友一定会知道。佢呢条老虎斑就整到恰到好处，个鱼非常之滑。又新鲜好好食。
🤩瑶柱扒豆苗
有冇搞错，连碟菜都整到咁好食，个豆苗就好嫩口，配埋瑶柱好夹。
🤩陈皮红豆沙汤圆
陈皮同红豆系天作之合，食埋呢个汤圆就圆满。
张贴
