影片
更多
2024-10-20
539 浏览
女收银员目无表情，落单全程惜字如金，亦无眼神接触，收钱无笑容，找钱俾单你唔会讲多谢，同机械人一样，完全半粒字都无讲过。星期日现场极多人，企喺店旁边等叫号码，留意到黑衣男店员几有礼貌，细心为客人介绍自家制云尼拿泡沫，挤得漂亮亦用火枪小心烘烤表面。然后听到白衣男店员叫号，拎单走到佢面前，见有另一对情侣点同一杯饮品，白衣男店员原本想叫呢对情侣拎饮品先，见到我筹号竟然质问我：点解头先叫妳个号码唔应？！其实我可以让俾情侣先，亦唔介意等你冲下一杯俾我，但咁恶劣既态度，绝对唔会再帮衬！而且店内开到音乐劲大声，你要有气氛就怪客人无听力，咁大家真系考虑下要唔要黎体验。讲番杯饮品，全杯塞满橙皮杂果，饮落似橙汁，碎冰装在杯上面分层，系唔会令到饮品变淡，亦无冰冻到牙痛既感觉，但6至7啖已经饮完。然后上2层买另一间多人帮衬既饮品店，26蚊大大杯提子柠茶仲好饮，又够冻又有果肉，而且有基本礼貌，起码会讲多谢，一样要等叫号，但唔驶受气！
星期日现场极多人，企喺店旁边等叫号码，留意到黑衣男店员几有礼貌，细心为客人介绍自家制云尼拿泡沫，挤得漂亮亦用火枪小心烘烤表面。
然后听到白衣男店员叫号，拎单走到佢面前，见有另一对情侣点同一杯饮品，白衣男店员原本想叫呢对情侣拎饮品先，见到我筹号竟然质问我：点解头先叫妳个号码唔应？！
其实我可以让俾情侣先，亦唔介意等你冲下一杯俾我，但咁恶劣既态度，绝对唔会再帮衬！而且店内开到音乐劲大声，你要有气氛就怪客人无听力，咁大家真系考虑下要唔要黎体验。
讲番杯饮品，全杯塞满橙皮杂果，饮落似橙汁，碎冰装在杯上面分层，系唔会令到饮品变淡，亦无冰冻到牙痛既感觉，但6至7啖已经饮完。
然后上2层买另一间多人帮衬既饮品店，26蚊大大杯提子柠茶仲好饮，又够冻又有果肉，而且有基本礼貌，起码会讲多谢，一样要等叫号，但唔驶受气！
张贴