十字冰室 (恆陞大樓)

营业中

休息中

星期日中午3點左右入座，基本上唔洗排隊，餐廳唔算多人，樓面坐位一般唔太寬敞，不過裝修同設計都幾有心思。叫咗一個即叫即炸嘅超大蟹柳加蛋黃醬薯條，蟹柳炸粉有少少鬆散同太油，不過係新鮮炸起加味道唔錯 。個人唔太喜歡薯條太粗。另外叫咗一碗蔥油雞翼撈公仔麵，蔥油味勁香，雞翼熟度啱啱好嫩口，不會太熟令到肉質太硬。牛油咖映多士有驚喜，超多牛油，食落唔會太膩，少少甜，多士夠脆唔太燶，十分推薦。美祿紅豆冰牛奶味較重，美祿唔夠濃，鐘意奶味嘅朋友可以一試。