影片
更多
2023-04-03
35 浏览
西营盘一带一直都有好多翻新过嘅餐厅都好出名，今日同朋友嚟试咗呢间the bottle and steak。发现餐厅食物质素都唔错，而且价钱唔贵，值得一嚟。首先餐厅后面有劲大个酒柜入边有好多唔同款嘅手工啤，我哋拣咗两支唔同嘅啤酒都觉得唔错。唔饮酒嘅都有好多，非酒精饮品可以选择。首先我地叫咗两个小食，一个系吉列广岛蚝（$58），另一个系墨西哥辣鸡翼锤（$48）。个炸广岛蚝，炸得好香脆，但系入边啲蚝汁锁实晒。一咬起嚟劲Juicy👍而个墨西哥辣鸡翼锤都好香口下。虽然我觉得佢个辣度就未系去到好够，钟意食辣嘅朋友，可能就觉得唔够喉。但系鸡锤都好难会出事既。😂呢度好特别有一个椰菜花扒（$138），呢度所有嘅扒都会跟薯条同埋沙律。我自己就劲钟意食椰菜花嘅，贪佢又健康啲，所以就叫咗个试下。个椰菜花切得几厚，而且煎得唔会过干。所以钟意健康，而且想食素嘅朋友都可以试吓呢间扒房。除此之外，我地仲叫咗个美国安格斯牛板键扒（$138）。个牛都煎得几均匀，唔会太熟。因为劲惊啲扒房会煎到啲牛扒过熟，今次叫咗medium rare岩岩好😉另外一个比较惊喜嘅地方，就系呢度嘅甜品系西班牙油条配云呢拿雪糕（$48)，点都要留
首先餐厅后面有劲大个酒柜入边有好多唔同款嘅手工啤，我哋拣咗两支唔同嘅啤酒都觉得唔错。唔饮酒嘅都有好多，非酒精饮品可以选择。
首先我地叫咗两个小食，一个系吉列广岛蚝（$58），另一个系墨西哥辣鸡翼锤（$48）。个炸广岛蚝，炸得好香脆，但系入边啲蚝汁锁实晒。一咬起嚟劲Juicy👍
而个墨西哥辣鸡翼锤都好香口下。虽然我觉得佢个辣度就未系去到好够，钟意食辣嘅朋友，可能就觉得唔够喉。但系鸡锤都好难会出事既。😂
呢度好特别有一个椰菜花扒（$138），呢度所有嘅扒都会跟薯条同埋沙律。我自己就劲钟意食椰菜花嘅，贪佢又健康啲，所以就叫咗个试下。个椰菜花切得几厚，而且煎得唔会过干。所以钟意健康，而且想食素嘅朋友都可以试吓呢间扒房。
除此之外，我地仲叫咗个美国安格斯牛板键扒（$138）。个牛都煎得几均匀，唔会太熟。因为劲惊啲扒房会煎到啲牛扒过熟，今次叫咗medium rare岩岩好😉
另外一个比较惊喜嘅地方，就系呢度嘅甜品系西班牙油条配云呢拿雪糕（$48)，点都要留肚食呀食个甜品。因为呢度个油条系即叫即炸，热辣辣配埋个雪糕好特别。
呢间装修比较新潮嘅餐厅系西营盘都几好食，下次应该会返兜佢👏
张贴
