影片
更多
2022-05-21
82 浏览
近排同西班牙美食好似特别有缘，继早前喺铜锣湾食咗餐高 CP 值嘅西班牙菜，今日又应友人邀约，嚟大角咀呢间西班牙小店吃顿午餐。餐厅嘅装修好有格调，以黑白两色为主，加上开放式门面及特高楼底，自然光渗进室内，感觉开扬舒服，非常适合同朋友嚟聚餐。我哋点咗两个 Tapas 同一份主菜。鱼子酱龙虾蟹肉牛油果他他 ($178) 率先送上，龙虾同蟹肉都非常新鲜，够 Fresh 又清新。垫底嘅牛油果水准亦不俗，质感绵而不碎，味道香而带甜，再配上鱼子酱，入口即溶，简直令人难以抗拒。西班牙辣椒仔 ($88) 接著送上，辣椒仔非常大只，好吸睛，食落完全唔辣，据说大厨只系简单地用咗橄榄油同海盐嚟炮制，入口已经好惹味，带阵阵咸香，用嚟佐酒真系一流。油封鸭髀 ($248) 风味亦甚佳，外皮烧得好香口，肉质非常鲜嫩，油脂香味浓郁，只须用刀叉轻力一鎅，已可轻松拆肉，再伴以烤时蔬同 Creamy 嘅薯蓉，够晒饱肚，滋味又满足。
近排同西班牙美食好似特别有缘，继早前喺铜锣湾食咗餐高 CP 值嘅西班牙菜，今日又应友人邀约，嚟大角咀呢间西班牙小店吃顿午餐。
餐厅嘅装修好有格调，以黑白两色为主，加上开放式门面及特高楼底，自然光渗进室内，感觉开扬舒服，非常适合同朋友嚟聚餐。
我哋点咗两个 Tapas 同一份主菜。
鱼子酱龙虾蟹肉牛油果他他 ($178) 率先送上，龙虾同蟹肉都非常新鲜，够 Fresh 又清新。垫底嘅牛油果水准亦不俗，质感绵而不碎，味道香而带甜，再配上鱼子酱，入口即溶，简直令人难以抗拒。
西班牙辣椒仔 ($88) 接著送上，辣椒仔非常大只，好吸睛，食落完全唔辣，据说大厨只系简单地用咗橄榄油同海盐嚟炮制，入口已经好惹味，带阵阵咸香，用嚟佐酒真系一流。
油封鸭髀 ($248) 风味亦甚佳，外皮烧得好香口，肉质非常鲜嫩，油脂香味浓郁，只须用刀叉轻力一鎅，已可轻松拆肉，再伴以烤时蔬同 Creamy 嘅薯蓉，够晒饱肚，滋味又满足。
张贴
