影片
更多
2009-10-01
23 浏览
早几晚深宵时份, 师傅又突然肚饿, 于是又出左去揾宵夜食, 其实咁样搅法好唔掂架㖞, 下次都系早少少瞓, 就可以食少d嘛! 既然出左去, 就睇下有咩想食啦! 深宵时份选择真系少左好多, 师傅本想去饮多次夜茶, 但其实又冇𠮶种心情, 冇心情系唔想饮中茶; 于是就去揾西茶饮, 隔黎就有间廿四小时嘅食店, 就入去坐坐啦!坐底后师傅又觉得唔系好肚饿, 真系顶瘾; 但系都唔理咁多, 照落单先, 费事到时返到屋企又系啰啰挛; 于是师傅就柯打左碗沙爹牛筋腩米线, 再加多杯冻柠茶; 师傅好似次次都系食呢个咁, 冇办法, 一谂起佢个沙爹汤底, 师傅已经流晒口水啦, 点忍到呢?等左一阵, 冻柠茶先到, 冻柠茶嘅茶味偏淡, 鬼咩, d冰多到好似唔使本咁, 唔淡就奇啦, 不过柠檬好新鲜, 有好香嘅柠檬味, 可以啦; 而沙爹牛筋腩米线买相依旧, 师傅唔理三七二十一, 即刻试下个汤底, 汤底嘅沙爹好香好浓, 好鬼惹味, 冇黎咁耐依然冇走样; 牛腩就几大旧下, 但真系炆得好腍, 一咬下去牛腩已经烂, 唔使搏晒命咁用力扯; 而牛筋又入味又腍, 绝唔会实的的, 加上黏黏地嘅口感, 师傅超钟意; 米线又煮得啱啱好, 入口
坐底后师傅又觉得唔系好肚饿, 真系顶瘾; 但系都唔理咁多, 照落单先, 费事到时返到屋企又系啰啰挛; 于是师傅就柯打左碗沙爹牛筋腩米线, 再加多杯冻柠茶; 师傅好似次次都系食呢个咁, 冇办法, 一谂起佢个沙爹汤底, 师傅已经流晒口水啦, 点忍到呢?
等左一阵, 冻柠茶先到, 冻柠茶嘅茶味偏淡, 鬼咩, d冰多到好似唔使本咁, 唔淡就奇啦, 不过柠檬好新鲜, 有好香嘅柠檬味, 可以啦; 而沙爹牛筋腩米线买相依旧, 师傅唔理三七二十一, 即刻试下个汤底, 汤底嘅沙爹好香好浓, 好鬼惹味, 冇黎咁耐依然冇走样; 牛腩就几大旧下, 但真系炆得好腍, 一咬下去牛腩已经烂, 唔使搏晒命咁用力扯; 而牛筋又入味又腍, 绝唔会实的的, 加上黏黏地嘅口感, 师傅超钟意; 米线又煮得啱啱好, 入口烟烟韧韧, 不错!
总括黎讲呢间食店依然维持到水准, 连师傅唔系咁经常黎都未试过失望而回, 加上环境清洁干净, 坐得舒服, 服务态度颇好, 虽然埋单要三十六蚊, 但仍然觉得抵食! 其实饮中茶同西茶价钱差唔多, 所以唔食点心咪食碗面啰, 一样咁过瘾; 下次有一定会黎, 笑脸走唔甩啦! 叹完呢个西茶宵夜, 师傅返到屋企真系不知几好瞓!
张贴
