影片
更多
2020-06-09
61 浏览
今日同闺蜜入咗嚟西贡游车河，食素嘅佢话喺万宜游乐场𠮶个好 chill 嘅圈圈度开咗间 fushion 嘅素食餐厅，横惦我呢轮正积极减肥，素食呢个提议无得顶。餐厅装潢走简约路线，以浅木色同埋白色为主调，场内过半都系外籍人士，感觉骚豪。素鱼块罗望子酱沙律，先嚟嘅系呢一个啱啱由待应小姐推介嘅 off menu 沙律，首先块素鱼真系令我好喜出望外，厨师将呢块素鱼炸得金黄酥脆，内层嘅素鱼肉几可乱真，配合住沙律椰菜同萝卜丝爽脆嘅口感同罗望子酱嘅酸味，非常开胃。MOMOS，煎饺外皮软嫩，有别于一般煎饺可以界爆嘴角嘅边边，2084呢度嘅煎饺入口好软熟，煎饺嘅馅料有素肉碎、芫茜、椰菜同萝卜，内馅口感超爽，随附嘅系一个印式风味嘅酱汁，口感有少少似豆蓉，入口有好多印式香料同埋薄荷叶嘅香味。PEKING TACOS 北京填菌，脆皮嘅北京卷上面嘅系酥炸蚝菇，新鲜炸起香气扑鼻，蚝菇嘅口感果真同北京填鸭有几分相似，加埋夹喺中间嘅青瓜、海鲜酱同面头嘅香葱丝，唔擘大眼真系以为自己食紧嘅系真正嘅北京填鸭，好犀利。CARROT CAKE，同行嘅闺蜜本身唔钟意食红萝卜，起初对呢个 Carrot cake 都相当抗拒，不过佢试
餐厅装潢走简约路线，以浅木色同埋白色为主调，场内过半都系外籍人士，感觉骚豪。
素鱼块罗望子酱沙律，先嚟嘅系呢一个啱啱由待应小姐推介嘅 off menu 沙律，首先块素鱼真系令我好喜出望外，厨师将呢块素鱼炸得金黄酥脆，内层嘅素鱼肉几可乱真，配合住沙律椰菜同萝卜丝爽脆嘅口感同罗望子酱嘅酸味，非常开胃。
MOMOS，煎饺外皮软嫩，有别于一般煎饺可以界爆嘴角嘅边边，2084呢度嘅煎饺入口好软熟，煎饺嘅馅料有素肉碎、芫茜、椰菜同萝卜，内馅口感超爽，随附嘅系一个印式风味嘅酱汁，口感有少少似豆蓉，入口有好多印式香料同埋薄荷叶嘅香味。
PEKING TACOS 北京填菌，脆皮嘅北京卷上面嘅系酥炸蚝菇，新鲜炸起香气扑鼻，蚝菇嘅口感果真同北京填鸭有几分相似，加埋夹喺中间嘅青瓜、海鲜酱同面头嘅香葱丝，唔擘大眼真系以为自己食紧嘅系真正嘅北京填鸭，好犀利。
CARROT CAKE，同行嘅闺蜜本身唔钟意食红萝卜，起初对呢个 Carrot cake 都相当抗拒，不过佢试咗一啖之后就停唔到口，呢份喺英国同加拿大几乎每间 coffee shop 都必卖嘅甜点，佢虽然系红萝卜做嘅蛋糕，但系并没有半点红萝卜嘅草味，红萝卜本身嘅糖分转化，默默咁贡献于蛋糕之中，角色低调到，唔话个蛋糕主要成份系红萝卜，都无人会联想到有一丁点嘅红萝卜存在。
张贴
