Amplifier Restaurant (積福街)

营业中

休息中

这间大家都知劲出名嘅威灵顿牛，小编之前试过真系劲正，好喜欢这间餐厅，心谂住要再嚟，今次再嚟就系试吓其他菜式，特别系想试吓其他肉类。今次叫咗猪羊鸡，各自用唔同手法烹调，各有特色，但相同嘅系一样水准高，餐厅再次冇令小编失望。📌烧西班牙脆皮乳猪这碟应该系继威灵顿牛之后最多人打卡，今次见真身，摆盘真的靓，共8件烧猪，每件一口size唔大唔细刚好，烧猪皮香脆，猪肥唔肥腻，猪肉香口，特色系有一小片无花果，增加甜味亦可以减少油腻感，仲有一片脆皮拓底，明显增加口感。📌慢煮36日法国春鸡伴鹅肝法国烧春鸡一向出名，今次慢煮，肉质更嫩滑，当然少不了再烤令鸡皮金黄色，入口更香，鸡肉两件，份量唔多但刚好，惊喜系配菜鹅肝，超滑超香极新鲜，必叫。📌香草小茴烩羊肩肉扁意大利面羊肩肉肉质鲜嫩，有一点羊膻味，配料香草小茴带来阵阵清香，特制酱汁亦令羊肉味道更出色，虽然卖相一般，但味道系高水准，喜欢羊嘅朋友重一试。