影片
更多
2023-12-13
35 浏览
今日下午茶当正餐迷你肉酱煎流心蛋饭碗仔翅热奶茶两张上碟相片嘅分别系一张系加醋及将煎蛋戳穿另一张系未做加工前，原先嚟到嘅原貌煎蛋要流心先至叫好食佢呢只蛋嘅蛋黄系橙色，与肉酱混为一色，只有日本蛋嘅蛋黄先至有咁嘅颜色，呢个系日本蛋嘅特色，加上外边煎得脆口，做得非常出色，相比之下，我自问煎蛋技术绝对比佢逊色。碗仔翅加醋系我嘅惯例，但叫咗职员畀醋我，有两人应承但来回几转都未见有畀，呢个唔知系唔系依家做饮食业楼面嘅惯例？最终我要再次出口问到先至有，以为佢哋会畀预先包装好嘅方便醋，原来嚟嘅系用小碟装嚟，颜色较深嘅红醋，起初唔为意，无试味，惯性直接成碟一滴不漏倒落去，点知就出事，原来酸味比包装或食开嘅浙醋浓好多，完全盖过原先碗仔翅嘅味道，下次都系试咗味，然后决定落几多。记得以前学生年代食嘅碗仔翅系有粉丝，早前两大一美快餐连锁店嘅碗仔翅都有仿鱼翅，可能成本问题，依家食到碗仔翅有粉丝，甚或有仿翅都几难，包括呢一间。佢哋呢碗嘢好多木耳丝同鸡蛋丝，但肉丝就非常少，我谂一定系同成本问题有关，除非唔系。唔好睇小佢系迷你饭就以为唔饱呀！其实都有一碗饭嘅份量，加埋碗翅同奶茶，莫讲话女仕食得饱，男士一样好饱，除非你可以
迷你肉酱煎流心蛋饭
碗仔翅
热奶茶
两张上碟相片嘅分别系
一张系加醋及将煎蛋戳穿
另一张系未做加工前，原先嚟到嘅原貌
煎蛋要流心先至叫好食
佢呢只蛋嘅蛋黄系橙色，与肉酱混为一色，
只有日本蛋嘅蛋黄先至有咁嘅颜色，
呢个系日本蛋嘅特色，
加上外边煎得脆口，
做得非常出色，
相比之下，我自问煎蛋技术绝对比佢逊色。
碗仔翅加醋系我嘅惯例，
但叫咗职员畀醋我，有两人应承但来回几转都未见有畀，呢个唔知系唔系依家做饮食业楼面嘅惯例？
最终我要再次出口问到先至有，以为佢哋会畀预先包装好嘅方便醋，原来嚟嘅系用小碟装嚟，颜色较深嘅红醋，
起初唔为意，无试味，惯性直接成碟一滴不漏倒落去，点知就出事，
原来酸味比包装或食开嘅浙醋浓好多，完全盖过原先碗仔翅嘅味道，下次都系试咗味，然后决定落几多。
记得以前学生年代食嘅碗仔翅系有粉丝，早前两大一美快餐连锁店嘅碗仔翅都有仿鱼翅，可能成本问题，依家食到碗仔翅有粉丝，甚或有仿翅都几难，包括呢一间。
佢哋呢碗嘢好多木耳丝同鸡蛋丝，但肉丝就非常少，我谂一定系同成本问题有关，除非唔系。
唔好睇小佢系迷你饭就以为唔饱呀！其实都有一碗饭嘅份量，加埋碗翅同奶茶，莫讲话女仕食得饱，男士一样好饱，除非你可以一次过食哂两个煲仔饭会例外嘅
唔好以为无可能呀，我亲耳听过有人话自己要食两个煲仔饭先至够饱㗎！
埋单计$37，绝对值得，尤其是要畀credit 个流心蛋，真系真心真心真心超级超级超级好食，
重要嘅嘢要讲三次。
张贴
