影片
更多
2023-03-18
300 浏览
约咗朋友嚟屯门公园赏花，园内除了有一大片花海外，原来仲有唔少打卡热点，例如：人工湖、荷兰风车、人工瀑布、爬虫馆等，绝对可以让人消磨大半天！游览完毕，又系时间食晏，唔想行太远，近近哋，嚟咗「悦品度假酒店‧屯门」入面𠮶间「The Platter」。酒店以火车为主题，大堂以纽约车站作设计蓝本，而位于 2 楼嘅「The Platter」更布置成火车车箱，十分有特色！餐厅逢星期一至五都会供应半自助餐，客人除了可以喺菜单上自选一款主食外，仲会包自助沙律吧、自助甜品、咖啡或茶。我哋拣咗烧羊柳配迷迭香肉汁 ($188) 同 宝云酥焗鲷鱼柳配香草蕃茄汁 ($168)。羊柳烧得啱啱好，肉质腍嫩，外层稍稍焦香，内里仍存肉汁，入口没有羊膻味，蘸迷迭香肉汁吃，更添滋味。伴碟嘅薯蓉亦非常可口，做得十分 Creamy 幼滑。鱼柳面层裹上了面包糠同香草嚟焗，入口香酥松脆，鱼香味十足，内里鱼肉嫩滑，沾酸酸甜甜的蕃茄汁一起吃，味道非常夹配。至自助 Salad Bar 就有杂锦沙律菜、温室豆苗、生菜、蕃茄仔、甘笋丝、红腰豆、甜粟米等，客人可以自行 DIY，制成自己专属嘅沙律。另外仲有西洋菜猪骨汤、忌廉椰菜花汤、意粉沙律、瑞
游览完毕，又系时间食晏，唔想行太远，近近哋，嚟咗「悦品度假酒店‧屯门」入面𠮶间「The Platter」。
酒店以火车为主题，大堂以纽约车站作设计蓝本，而位于 2 楼嘅「The Platter」更布置成火车车箱，十分有特色！
餐厅逢星期一至五都会供应半自助餐，客人除了可以喺菜单上自选一款主食外，仲会包自助沙律吧、自助甜品、咖啡或茶。
我哋拣咗烧羊柳配迷迭香肉汁 ($188) 同 宝云酥焗鲷鱼柳配香草蕃茄汁 ($168)。
羊柳烧得啱啱好，肉质腍嫩，外层稍稍焦香，内里仍存肉汁，入口没有羊膻味，蘸迷迭香肉汁吃，更添滋味。伴碟嘅薯蓉亦非常可口，做得十分 Creamy 幼滑。
鱼柳面层裹上了面包糠同香草嚟焗，入口香酥松脆，鱼香味十足，内里鱼肉嫩滑，沾酸酸甜甜的蕃茄汁一起吃，味道非常夹配。
至自助 Salad Bar 就有杂锦沙律菜、温室豆苗、生菜、蕃茄仔、甘笋丝、红腰豆、甜粟米等，客人可以自行 DIY，制成自己专属嘅沙律。
另外仲有西洋菜猪骨汤、忌廉椰菜花汤、意粉沙律、瑞士薯仔沙律、韩式泡菜、四川麻辣云耳同餐包等，全部都可以任饮任食。
最后记得要留肚食甜品，除咗有蛋糕同小甜点之外，仲有雪糕、糖水同班戟，食饱再叹番杯果汁，真系非常写意。
张贴
