橫濱日本料理 (已結業)

Shopping对女人既吸引力真系唔可以低估…星期六晏就入左沙田血拼，买买买买买买买…咁就天黑~重点系成日无食过LUNCH!!当血拼完先感觉到其实系好肚饿，于是决定食放题补番晏就果餐!!食物既款式有成十种咁多，都算多元化呀!因为饿到饭傻左，所以一黎就狂点刺身食，食番够本先!三文鱼既几有鱼油香味，一d都唔腥，正!虽然一向爱吃三文鱼，但餐厅既八爪鱼刺身十分出色，爽口鲜甜，不得不encore呀!军舰寿司都十分吸引，寿司饭带有小小醋香味，但又唔会太多寿司饭，唔会食饭食饱左!紫菜入口脆卜卜，好明显系即叫即整，够哂新鲜呀!!!蟹籽手卷正常水准，唔会有腥味，唯一缺点就系蟹籽份量唔够多!!天妇罗上枱时仲十分热，入口外层炸浆十分香脆，炸浆唔厚又唔会太多油份，整理炸物水准不俗!熟食既海鲜都有好多选择，有青口、有鱿鱼、有蚬等等...中意食辣既朋友必试地狱锅烧大蚬&辛辣鱿鱼蚬肉虽然细粒左D，但胜左味道加分，蚬肉非常入味，辣得非常爽!辛辣鱿鱼爽口又唔靱，炒得非常香，好有西贡海鲜大排档既风味!个人黎讲就认为串烧较为逊色，串烧加得太多调味，味道偏咸，盖过左食材本身既味道!但烧虎虾系OK的，虎虾够哂新鲜，肉质爽口弹牙