橫濱日本料理 (已結業)

沙田區食放題地方唔多所以同屋企人去左依度點餐紙都有好多款式我地點左：「蒲燒鯛魚腩」甜甜醬汁燒，魚皮吸收晒啲醬汁，好入味油脂分布均勻好味鍾意食魚一定要點刺身方面都算新鮮每樣切得唔算大件所以唔會好易飽，可以試到多啲款式「七味京蔥炒牛舌」食魚生之餘要試下佢熟食屋企人鍾意食牛舌所以點左估唔到牛舌係厚切都可以煮到咁稔咁入味用好多蔥洋蔥一齊煮所以食落都好惹味壽司就點左，左起「香芒三文魚卷」、「火炙海鰻」「火炙芝士三文魚壽司」、「火炙玉子」壽司都算唔錯，飯份量唔多其中「火炙芝士三文魚壽司」小妹係幾欣賞熟既三文魚上面鋪左芝士再用火燒過食落感覺唔會好靚，三文魚脂肪適中依個可以再encore「羊架」都唔係度度放題有得點肉質好稔而唔酥，必食之選整體黎講，沙田平價放題依度確係唔錯夠多款式，而且出餐都好快

假日同男友唔知食咩好又想乜都食啲，所以黎左食放題講下啲野食先帶子- 的確有少少失望，比想像中細粒，味道有點清淡蝦- 每隻都算大隻，而且鮮味，不過我地叫六隻黎左四隻生蝦刺身- 還是泰國的好味，這裡的較多醬汁，而且沒有蒜頭放面及唔夠凍炸蠔- 賣相係唔錯，不過食落好厚粉，可能本身隻蠔唔算好大隻環境方面其實出面座位同隔離間鋪係一網之隔，不過果個網都幾多塵食店黎講應該更加保持衛生，希望會改善

本來電話已预约6位(店仍有一半位置)，但店員，只"啊了一聲，之後無理我們，再等多一陣，入店問其中店員(他話可入座)，其實電話預约、(要等？)侍應似人手不足(快快出食品)，粥是熱的，竞在枱邊，斜推上枱(好危險)弄跌枱面筷子，但無主動取回新筷子俾我們，要自己，行出去自取(店員先補上筷子)服務差(可能不夠人手)，但店不是滿座首先龍蝦粥(有少少辣味，粥煲得好绵，不過稀粥(無食粥的口感)，但有少少龍蝦肉(加分)刺身(不過不失)，種類比出面放题少(但200位(已連加一)，已經算多款揀泰式蝦刺身 雖然细隻(但爽口)牛肉(醬汁濃味，牛肉煮得過熟(硬身左d)反而牛舌，肉好嫩(汁不會太鹹)蜆鍋(辣湯)蜆鲜甜，湯少少辣(好味)青口(好鲜甜)但好细隻炸物(炸粉太厚)上枱已涼(不熱)不是熱辣辣上枱壽司不是太多款選擇-串燒蝦，冬菇，雞肉(已調味)甜品……雪糕杯

放題大行其道，要高質素真係唔容易，既然食物都差唔多，咁價錢搭夠啦！聽朋友講沙田有間放題幾抵食，今晚一於去試下！又再體驗平野無好既道理，甜蝦刺身蝦頭部份有d灰色物體，食左一隻已經嚇到我不行了...日式炒豬頸肉，油到不得了，日式在那裡？只係普通炒豬頸肉only..馬拉盞炒通菜，始終係日式放題店，有呢個餸已經好古怪，所以唔係做得特別出色，馬拉盞落得太多，好咸，食完都要飲多兩罐可樂！試下d壽司，花之戀包得唔實，好鬆散，一夾起就散開三文魚瘀橙色，唔新鮮唔靚。火灸芝士三文魚壽司有d古怪，可能唔岩我口味，完全無熟三文魚既味，芝士味多過三文魚味，件三文魚入口即融，怪怪地，軟身得太Over，最正常應該係火灸海鰻，鰻魚汁搭夠啦！最後餐廳設計有d問題，我坐係同商場Share Use既位，好嘈，餐廳顧客當然嘈，但加埋商場d人真係嘈上加嘈，同三五之己傾下計就唔使諗，加上冷氣唔夠，坐多陣我都唔想..都係旺角銅鑼灣d放題好d吧？唔通沙田都係美食沙漠？

今日返完教會，仲有好多時間先探朋友，就去試下附近的放題，可以食耐啲，花費到多啲時間嘛，點知佢地話晏就無放題，咁就退而求其次點散點。先叫了牡丹蝦同一客帶子，牡丹蝦都幾大隻，剝晒殼，肉厚而彈牙，咬多兩啖就似起膠般，一隻真係唔夠喉，可惜每枱只可以叫一碟...帶子算甜，無雪味，但叫了3片，每件只有半粒，一件要7蚊(未計加一)，如一粒要$14，又唔係好大粒，所以叫了一轉，過下口癮就算。之後叫了枝豆，尚算飽滿，好在佢唔似平時放題店勁落鹽，一味咸，食唔到青豆味。三式天婦羅，有炸蝦，秋葵，南瓜片，上碟排得幾靚，天婦羅炸粉炸得酥脆，無油益味。秋葵爽口，炸完又唔會有平時滑潺潺既感覺，南瓜片切得薄，一口食得晒。燒翠肉瓜，燒得很平均，燒得很好，有重味粉，似重慶燒啲籽然粉，燒到淋之餘又不失水份，夠Juicy，咁好味最後仲叫多串！燒牛肉粒，都幾大份，燒完之後都算肉質嫩，燒汁惹味香口，每粒都帶著蒜蓉粒，又唔會煮到肉"鞋"。最後朋友叫了豬軟骨拉麵，豬軟骨我無試，但麵就較硬身，鍾意食硬麵既朋友就岩啦！湯底燶，唔會寡。食完都可以坐得耐，無比人趕既感覺，到差唔多夠時間先起身都得！

星期日朝早去左禾輋探朋友，順便食埋lunch, 點不知有驚喜。我地三個去左商場裏面果間橫濱料理食日本野。侍應安排我地坐卡位，座位同張枱也闊落，可以放得哂我地d袋，坐得好舒服。先叫左個大刺身拼盤，有牡丹蝦、三文魚、吞拿魚同埋帶子。只看賣相已夠吸引！牡丹蝦好鮮甜，“算”埋個蝦頭勁多汁，超抵，一份三隻，只是$28，是季節限定，encore是常識吧！！！！三文魚切得幾厚，啖啖肉。帶子味夠鮮，我地之後都有再encore.頭盤仲有花之戀壽司同埋和風刺身沙律，沙律菜新鮮，全部食哂。之後我地叫左串燒冬菇，最正呢個，燒到岩岩好，吾“燶”但熟。叫左碟牛柳粒，份量多，有牛味，一d都吾韌，醬料醃得好味。我地仲叫左麻辣雞翼尖，醬汁開胃。所以我地最後都叫左個猪軟骨拉麵加天婦羅(大蝦，蕃薯，秋葵)。天婦羅岩岩炸起，冇油膩感覺，加埋個拉麵3個人share剛剛飽。一个豐富嘅午餐定食，都只是$50 左右， 抵！我們點左好多款，最後埋單600，同放題差不多價錢，但我地叫做食得剛剛飽，叫做重質不重量。在禾輋邨的一个綠洲，天氣炎炎，不想外出，吾洗出去同人迫，這開潢濱確實係好選擇。

很久沒有吃日式放題，亞仔今晚請我吃，就選擇街坊價格的「橫濱日本料理」，我們在晚上6:00入座，收費每位$168。因為時間尚早，入座客人不多，上菜也不慢，但到7:00後上菜就慢很多，而且翻單的吉列炸蠔，沒有下文...沙嗲雞肉串，豬骨濃湯手打烏冬都ok！翻單的椒鹽魷魚鬚，追單兩次也沒有下文，令到亞仔非常失望！餐後甜品的雪糕也要追單...香草燒羊架，不是很感受到香草味，肉質也腍，和籽然燒雞中翼都好味道！很好味道又腍的蒜香牛柳粒，翻單冇問題！芝士焗翡翠帶子，尚可！唔明白，芝士焗脆皮腸有茄汁？仲要覆蓋腸仔？！大大碗波士頓龍蝦粥好好味，粥底較稀，有少少龍蝦肉！七味京蔥炒牛舌，厚切的牛舌炒得香噴噴！日式炒豬頸肉，日式...幸好不是甜的，翻單冇問題！軍艦壽司我沒有試，是亞仔吃的。冷熱柚子蜜！整體食物都不錯，希望餐館留意翻單問題，如果冇，請通知客人，免乾等！

周日晚上，冰家搖身一變，成為「無飯」家庭，皆因家中無人願意下廚，於是一同走到位於沙田禾輋商場的>>>橫濱日本料理<<<用膳。晚市為放題料理，各取所需，皆大歡喜。每檯用膳時間為由入座起計兩小時，收費按入座時段計算，相當精細。日式放題，不得不點刺身與壽司。家中只有冰吃這兩類食物，故此就點一人份。不論是甜蝦、人氣的帶子或餐廳推介的希靈魚，均鮮甜可口，值得一試。人氣加州卷與香芒三文魚卷壽司味道不過不失，然而賣相尚待改善。串燒食品也很美味，人氣冬菇串燒和餐廳推介的墨魚丸串燒果然名不虛傳，火侯恰到好處，燒得香口味美，但仍保留食物水分，不會太乾破壞食物本身質地及口感。日式食物以外，點餐紙中也可找著東南亞美食的蹤影。薯絲蝦不太油膩，香脆一流，是大人小孩也逃不過的魅力。越南蔗蝦啖啖蝦肉滲滿蔗的清甜，一試難忘。飲品與甜品選擇列在點餐紙上，部份罐裝凍飲則放於雪櫃，食客可自取。冰吃了一杯芝麻味雪糕，屬雀巢出品。

有時候食刺身就好似試緊腸胃到底有幾好，平時無事無幹，一試便知身體好。我唔會話刺身變壞，只係唔夠新鮮，距離變壞或者仲有好大距離。食落口發現無味，魚原來可以無魚味，𡁻來𡁻去，終於食得出係雪藏味，佢完全提醒左我刺身係未經處理的屍體，甚有禪味。同樣，雞翼完全無雞味，就算灑2粒鹽上去都未至於無味啦。真係唔好笑d節目演員講，雞有雞味，魚有魚味，原來要做到呢個份上，都唔容易架。串燒，天婦羅好hea，我想可能係我味覺唔夠好，食唔出咩味道，又或者有人想訓練自己的超級味蕾，不失為一個實戰地方。落單, 唔齊, 唔足料, 間間都係咁架啦, 預左,無計, 我向來支持地區餐廳, 當食過呢間之後，我感覺到其他餐廳更加需要我既支持，失陪先。

Shopping對女人既吸引力真係唔可以低估…星期六晏就入左沙田血拼，買買買買買買買…咁就天黑~重點係成日無食過LUNCH!!當血拼完先感覺到其實係好肚餓，於是決定食放題補番晏就果餐!!食物既款式有成十種咁多，都算多元化呀!因為餓到飯傻左，所以一黎就狂點刺身食，食番夠本先!三文魚既幾有魚油香味，一d都唔腥，正!雖然一向愛吃三文魚，但餐廳既八爪魚刺身十分出色，爽口鮮甜，不得不encore呀!軍艦壽司都十分吸引，壽司飯帶有小小醋香味，但又唔會太多壽司飯，唔會食飯食飽左!紫菜入口脆卜卜，好明顯係即叫即整，夠哂新鮮呀!!!蟹籽手卷正常水準，唔會有腥味，唯一缺點就係蟹籽份量唔夠多!!天婦羅上枱時仲十分熱，入口外層炸漿十分香脆，炸漿唔厚又唔會太多油份，整理炸物水準不俗!熟食既海鮮都有好多選擇，有青口、有魷魚、有蜆等等...中意食辣既朋友必試地獄鍋燒大蜆&辛辣魷魚蜆肉雖然細粒左D，但勝左味道加分，蜆肉非常入味，辣得非常爽!辛辣魷魚爽口又唔靱，炒得非常香，好有西貢海鮮大排檔既風味!個人黎講就認為串燒較為遜色，串燒加得太多調味，味道偏鹹，蓋過左食材本身既味道!但燒虎蝦係OK的，虎蝦夠哂新鮮，肉質爽口彈牙

雖然小弟成日都去食好西，可能好有好多人好恨，但係平日工作的苦，學習的苦又點會有人知，人人都有壓力，包括香港人，好多人都會好似我咁，去下旅行，食下好東西，這其實只是苦中一點甜了。要食就要食好啲，放題就可以滿足到大家的要求，由於最近都要在沙田工作，搵搵下就發現沙田只有橫濱這間放題，雖然有好多負評，但都俾次機會人家吧。價錢也與同行差不多。放題的食物不少，而且仲有不少韓國飲料款式魚生：食放題就會立即叫魚生是常識吧，三文魚刺身新鮮但太薄，而甜蝦就非常出食大隻得嚟也很爽口。壽司：飯唔夠粒粒，相信是落左了少許水，不過配料新鮮。枝豆：不過不失，很難煮得很差吧。蟹籽沙律：本來青瓜很爽口，質素不錯，但其死罪是蟹籽只有很少，令小弟非常失望呢熱食就正正常常，全部都夠熱，不過叫左清酒煮花甲就漏單天婦羅：即叫即炸，但少了羅白泥令菜式失色不少

話說昨天在沙田探完朋友之後，便走到禾輋廣場吃晚飯。我和朋友都覺得非常餓，剛好看到這家日式餐廳便決定點了放題大吃特吃。其實這家餐廳的空間非常大，那時候也沒有很多的食客光顧這間餐廳。而且我們也了解到這家餐廳的主要對象是沙田居民，未必會像旺角銅鑼灣那類主流熱門的放題料理好吃，但這家餐廳卻令我喜出望外，我覺得途經沙田的朋友也可以試試看。然而，整頓放題晚餐比較好吃的是偏中式料理和串燒，相對日式料理，前者做得比較出色。當中孜然雞翼和燒茄子是我個人的偏愛。燒茄子能夠做到香口不容易，很多時候我們在外面的餐廳會吃到燒焦了的茄子，但這裡的燒茄子不單燒得很香口外，一吃上去整個嘴巴都是它的汁，非常juicy. 再加上在茄子上面加了七味粉，有一種辣得很過癮的感覺。而孜然雞翼也是重點必吃之一，雞翼同樣沒有燒焦，而且非常酥脆，再加上香料的配搭下，使味道更濃，而且是剛剛好燒完再傳上給我們。炸蠔和蝦餅也是不錯，如果再加上沙律醬或者美奶滋效果會更佳。燒雞軟骨的份量也不少，味道不會太濃剛剛好，而且不會冷掉，熱辣辣的雞軟骨配酒絕對是一流。而羊架的味道就比較淡，如果加強調味會更好，其他尚算不錯。當然日式放題必須試的一定是刺生類

今日去完禾輋探親戚，諗住同媽咪一齊食埋飯先返屋企，去到二樓見到有日本野，細睇原來係放題店，媽咪話OK呀不如試下，咁我地就入去啦！星期一5點半入座收費148一個另加一，唔貴！快啲睇下有咩食先！可能天氣太熱，間野無冷氣，媽咪一邊食一邊流汗，唔係好舒服。魚刺身賣相很差，是瘀白色，一啲光澤都無，感覺好唔新鮮，食落都係霉霉地既味。人地帶子刺身一片片嘛，佢切到一粒粒，仲細過個五毫子！廚房排列得唔靚，好似一堆亂石咁任堆，反而三文魚，吞拿魚咁一片片好靚。帶子只有雪味，無其他味了。吉烈炸蠔感覺唔係原隻蠔，係平日蠔餅既蠔仔，粉多食落成擔油。反而燒物中七味雞軟骨比較好食，炸得好香又夠味！飲品叫左熱柚子蜜，柚子唔夠，唔甜。雀巢雪糕最好食啦..由於大汗疊細汗，無心機影相，下次都係同媽咪返屋企食飯！

今日同老公晏晝去左源禾路運動場跑步做運動，運動完就去左禾輋商場搵食，老公提議食放題喎，唔食返多啲點會有下一次運動呢！我地去到都係6點，無人直入！餐廳有一半係坐室外，我地怕熱所以坐左入面，但都係咁熱，先叫左兩罐啤酒啤啤先！壽司我地食左少少，費時咁飽。火灸海鰻壽司無乜火灸感但鰻魚汁好好味，用海鰻唔錯，無骨又易咬，而且又係熟食。壽司上有dd蔥做裝飾，賣相顏色方便不錯。三文魚壽司係一片薄切的三文魚再配壽司飯，三文魚好滑，三文魚比壽司飯長dd，一啖就可以KO。日式炒豬頸肉味道好好，炒得好入味，用用洋蔥，紅椒黃椒一齊炒，另外豬頸肉切得夠細，令個汁浸晒入d肉度，yummy！南瓜，大蝦，蕃薯天婦羅炸得唔錯，上到菜都係熱既，唔好放左好耐先拎出黎，無奈粉太多，真係既主角太少，咬到好入先品嚐到主角，要努力改善！香草燒羊架既然係必食就要點兩客試試，雖然隻碟好油，但羊架好好食，羊肉夠晒膻，好香的羊味，先係羊肉醃得好，後期既燒都好考功夫，羊肉燒左咁耐都唔老，肉仍然咁嫩，唔會"孩"，咬多兩啖就會咬開羊肉，唔會韌到咬唔開，值得試！由於刺身我同老公只係食三文魚同甜蝦，所以只叫左兩款。三文魚刺身同壽司不一樣，刺身厚好多，

上次食完上水分店，我話過下次要帶外父外母去沙田分店食，今晚就試下。禾輋商場我無黎過，跟住外母行，似係馬會嗰邊。餐廳有一半範圍係商場(露天咁)，入到去冷氣唔多夠，可能因為好多人。三文魚刺身幾厚，幾滑，色澤有光澤，應該係即切出黎，唔似放左好耐。吞拿魚刺身深紅色，有少少"鞋"。甜蝦刺身蝦肉好鮮甜，蝦身半透明，好似玻璃蝦咁，之前上水分店啲蝦有少少唔乾淨，呢度處理得好，好乾淨。三文魚壽司三文魚無刺身咁厚，薄薄地一片，Size切得唔錯，刀工整齊。花之戀壽司蟹籽少左啲，三文魚片都包唔住舊飯，所以夾起有啲鬆散，幸好有沙律醬點綴，好易入口好好味。芝士焗翡翠帶子芝士好多，焗得幾香口，帶子有四粒，幾彈牙同唔痴牙！蟹籽沙律蟹籽少得可憐，建議下次可以比多啲，沙律好少難食，不過不失吧！沙嗲雞肉串燒睇唔到有沙嗲醬，上水分店上次成pat 沙嗲醬，但食落卻有好香好濃郁的沙嗲味，唯一解釋就是雞肉串本身已經用沙嗲醬醃製，幾有心機！令雞肉串好入味！虎蝦串燒燒得幾惹味，唔知係咪落左七味粉？但我都是喜歡食蝦刺身，容易啲拆肉起骨蒲燒鯛魚腩呢個10個like！一黎蒲汁濃郁，十分香，二黎鯛魚腩由於是腩位，肉質好嫩滑，腩位滑的程度同一般