影片
更多
2020-08-29
541 浏览
鱼肉高蛋白质又低卡，常常系我嘅减肥战友！😝 最近炮台山开咗间主打鱼品轻食嘅小店「鱼事者」！可以试匀多款由鱼肉打造嘅创意料理！价钱仲要劲亲民！简直系一众fish lover嘅福音！😍👩🏻🍳呢度嘅鱼品轻食，主要以港式风味为基础，再加入车仔面、街头小食及西式Fusion菜等元素，令大家有亲切感得嚟又不失惊喜。▲老板Hyvan因爱食鱼，所以决心开一间主卖鱼品嘅店子。造访当日，店家仍在试业中，老板Hyvan亦刚好在场～然后我当然借啲2同佢吹下水！估唔到呢位咁后生嘅老板，原来自小对鱼品已深深著迷！成日鱼蛋当正餐咁食！后来，佢去咗美国留学，因为太耐无食到高质鱼品，所以萌生想将来开鱼肉食店嘅谂法。「自己开档，想几时食鱼蛋都得啦！」基于呢个理由，就联同Partner开咗鱼事者。😝不过，鱼事者卖嘅轻食当然唔系传统嘅鱼蛋粉，而系利用鱼肉，制作唔同嘅Fusion料理～老板Hyvan及佢嘅厨师团队，每日会系渔市场入货，以多款新鲜海鱼打造菜肴，好似䲞鱼、九棍、红衫、门鳝及剥皮大眼鱼等等。因深海鱼运动量大、深海又压力大，肉质份外扎实，所以做出嚟嘅鱼品，更具「白」、「弹」、「鲜」三大美味元素。（由于试咗好
最近炮台山开咗间主打鱼品轻食嘅小店「鱼事者」！可以试匀多款由鱼肉打造嘅创意料理！价钱仲要劲亲民！简直系一众fish lover嘅福音！😍👩🏻🍳
呢度嘅鱼品轻食，主要以港式风味为基础，再加入车仔面、街头小食及西式Fusion菜等元素，令大家有亲切感得嚟又不失惊喜。▲老板Hyvan因爱食鱼，所以决心开一间主卖鱼品嘅店子。
造访当日，店家仍在试业中，老板Hyvan亦刚好在场～然后我当然借啲2同佢吹下水！估唔到呢位咁后生嘅老板，原来自小对鱼品已深深著迷！成日鱼蛋当正餐咁食！后来，佢去咗美国留学，因为太耐无食到高质鱼品，所以萌生想将来开鱼肉食店嘅谂法。
「自己开档，想几时食鱼蛋都得啦！」基于呢个理由，就联同Partner开咗鱼事者。😝
不过，鱼事者卖嘅轻食当然唔系传统嘅鱼蛋粉，而系利用鱼肉，制作唔同嘅Fusion料理～
老板Hyvan及佢嘅厨师团队，每日会系渔市场入货，以多款新鲜海鱼打造菜肴，好似䲞鱼、九棍、红衫、门鳝及剥皮大眼鱼等等。因深海鱼运动量大、深海又压力大，肉质份外扎实，所以做出嚟嘅鱼品，更具「白」、「弹」、「鲜」三大美味元素。
（由于试咗好多款食物，今次同样地简介几款我最推荐嘅菜式。）
扮墨西哥鱼皮
$33
23 浏览
0 赞好
0 留言
Guacamole 系墨西哥嘅美食，店家就将Guacamole中嘅薯片转为炸鱼皮！虽然邪恶咗，但美味度亦大大升级！😍鱼皮更脆薄，油脂更丰盛，带有浓浓鱼开，要加上清爽嘅牛油果莎莎酱，真系超开胃！推荐！
炸鱼狗肠
$28
37 浏览
0 赞好
0 留言
✦炸鱼狗肠 猪肉做嘅热狗常常食，但用鱼肉整热狗都系第一次试！咬开时鱼肉劲弹牙，芥末酱又劲惹味，连同香脆嘅「鱼粒莎莎（炸鱼肉粒）」及烟肉一齐食，口感好丰富。
炸鱼无薯条
$28
58 浏览
0 赞好
0 留言
✦炸鱼无薯条呢款小食完全无薯仔成份，入面嘅条状物由深海鱼肉制成。老板话每条「薯条」约7cm长，因呢个长度可令人有咬口，又不于觉得腻。另外，呢度小菜可以拣松露酱及双子酱（明太子＋蟹子），边食边沾酱，成件事几正。
川式-麻辣鸭丝鱼面捞
$53
45 浏览
0 赞好
0 留言
呢款鱼面捞真心好正，添加花椒及辣油加驰，麻辣又惹味。令我惊喜系个鱼面，我第一次食到咁幼嘅鱼面（同意粉差不多粗），弹牙得嚟鱼鲜味浓！加上拌碟嘅鸭丝、葱丝、辣椒丝及青瓜丝，有啲北京填鸭feel，但味道又意外地衬，非常抵赞！
牛鱼氏火腿
$48
34 浏览
0 赞好
0 留言
唔食得辣，可以拣呢款清汤鱼面。呢款小食最得意系上面有4片分别由牛肉及鱼肉做成嘅火腿！我都系第一次试到用呢2种肉做嘅火腿！好特别！至于味道，我觉得牛火腿就同普通火腿差不多；鱼火腿就好弹牙，似易咬版嘅墨鱼肉，同埋鱼鲜味浓啲，不错。
泰式-虾头油炸虾球鱼面捞
$63
87 浏览
0 赞好
0 留言
第一次食鱼面捞，味道比想像中正！虾头油好鲜甜，微辣口感，再加青拧汁，有啲似泰式炒金边粉嘅味，只是金边粉换成了鱼面。不过，个人觉得鱼面弹牙又粗身，口感更好！至于炸虾球就正常发挥，略嫌炸皮有啲厚。
黄金鱼弹弹
$53
78 浏览
1 赞好
0 留言
呢款汤面，上面嘅鱼型鱼蛋，同我哋食开嘅炸鱼蛋差唔多，但佢夹心系芝士，味道好Creamy，几好。至于巨型鱼蛋，感觉同长洲巨型鱼蛋味道一样，但个肉质更实净，整体味道都几好。
港式多士三并配黑松露酱
$33
64 浏览
0 赞好
0 留言
呢3款多士上，分别有鱼、虾及墨鱼口味，炸得好香口，边食边点黑松露酱，成件事邪恶爆灯！其中，我最爱墨鱼多士，鱼滑好弹牙，口感好好。
▲补充返鱼事者嘅门面，其实就咁打卡都唔错。
▲店内最抢眼莫过于系呢个鱼袋霓虹灯。
▲店子不大，但坐得几舒服。
▲呢个几何图案地版，同埋格子墙，细节满满～
▲店家用QR Code点餐，order完就去柜台比钱，都几先进。
▲连饮品都用啤酒机储存，确保出嚟嘅饮品唔洗落冰都够福！
▲唔好以为轻食即要配可乐咁无益！呢度特饮品主要以梳肝花茶系列为主，解腻排毒一流！
张贴
