影片
更多
2023-08-04
1359 浏览
几个月前黎食过「鮨政x大湖 」嘅Omakase，餐厅主打平民版嘅厨师发办套餐，上次食过佢嘅$498套餐，性价比高，今晚再同朋友去庆生🎂今次Menu多咗个$698套餐，分别嘅系多咗生蚝、龙虾同墨鱼，但就冇咗贝类刺身，而海胆杯就会变咗海胆热狗，海胆份量多3/4，同行三人都拣咗呢个餐😆静冈县高糖蕃茄配水云菜水云菜系类似发菜嘅植物，口感滑潺潺，配上酸酸甜甜嘅蕃茄，几开胃嘅一道前菜蟹肉茶碗蒸上面铺满蟹肉，可惜蒸蛋不够滑，但鲜味搭够吉列墨鱼配明太子酱热辣辣即炸嘅墨鱼鲜味咸香嘅明太子酱，口感Q弹烟烟韧韧，特制嘅酱汁更能突显食物嘅味道铁板龙虾配海胆酱龙虾爽口弹牙，加上香浓嘅海胆酱，更加能突出龙虾原有嘅鲜味盐烧活鳗表皮烧得香脆，鱼肉保持嫩滑，加上青柠汁大大提升咗鱼肉嘅鲜甜味道矶煮鲍鱼配鲍鱼肝酱非常吸睛嘅一道菜，师傅打开盖时一定要记得拍片，出晒烟😆鲍鱼鲜味浓郁，口感软稔同香浓嘅鲍鱼肝酱绝配石蚝、牡丹虾、大吞拿鱼石蚝新鲜肥美，口感creamy，牡丹虾大只又爽口，大toro充满油脂入口即溶爱女鱼白身鱼，肉质爽口扎实，油脂较少，口感清爽伊左目鱼味较浓，油脂较多，肉质弹牙金目鲷可以见到鲜红嘅鱼皮中间带有金金地嘅色
静冈县高糖蕃茄配水云菜
水云菜系类似发菜嘅植物，口感滑潺潺，配上酸酸甜甜嘅蕃茄，几开胃嘅一道前菜
蟹肉茶碗蒸
上面铺满蟹肉，可惜蒸蛋不够滑，但鲜味搭够
吉列墨鱼配明太子酱
热辣辣即炸嘅墨鱼鲜味咸香嘅明太子酱，口感Q弹烟烟韧韧，特制嘅酱汁更能突显食物嘅味道
铁板龙虾配海胆酱
龙虾爽口弹牙，加上香浓嘅海胆酱，更加能突出龙虾原有嘅鲜味
盐烧活鳗
表皮烧得香脆，鱼肉保持嫩滑，加上青柠汁大大提升咗鱼肉嘅鲜甜味道
矶煮鲍鱼配鲍鱼肝酱
非常吸睛嘅一道菜，师傅打开盖时一定要记得拍片，出晒烟😆鲍鱼鲜味浓郁，口感软稔同香浓嘅鲍鱼肝酱绝配
石蚝、牡丹虾、大吞拿鱼
石蚝新鲜肥美，口感creamy，牡丹虾大只又爽口，大toro充满油脂入口即溶
爱女鱼
白身鱼，肉质爽口扎实，油脂较少，口感清爽
伊左目
鱼味较浓，油脂较多，肉质弹牙
金目鲷
可以见到鲜红嘅鱼皮中间带有金金地嘅色泽，油脂最为丰富，鱼味最浓，轻轻烧过嘅鱼皮位置更能带出鱼嘅鲜味
紫苏纹甲鱿鱼
口感Q弹烟靭，配上紫苏叶独特嘅香味，味道清新而甘甜
甜虾
最爱嘅甜虾寿司😍大大只嘅甜虾新鲜爽口，肉质鲜甜
鲽鱼裙边
火炙后嘅鲽鱼裙边，渗出香浓鱼油，入口即溶，推介👍🏻
穴子
肉质细嫩柔软，比鳗鱼更加好食
飘雪红酒鹅肝吞拿鱼
重头戏黎啦，师傅用雪硬咗咗红酒鹅肝好似飘雪咁洒上呑拿鱼寿司上，鹅肝口感丝滑香浓又软绵，就好似食紧雪糕一样，令平平无奇嘅赤身生色不少
海胆热狗
师傅比嘅海胆份量足足有4层咁多，多到满泻，海胆鲜甜👍🏻👍🏻👍🏻
鲷鱼浓汤
静冈县网纹蜜瓜
食过$498同$698嘅分别，个人感觉两者相差不大，$498嘅性价比更加高。另外，舍利偏酸，如果淡口味人士就未必适合喇🙂
📍鮨政x大湖 (铜锣湾)
铜锣湾京士顿街9号Fashion Walk地下H2B号舖
人均消费：$700-800
食物：⭐️⭐️⭐️⭐️
环境：⭐️⭐️⭐️⭐️
回头率：⭐️⭐️⭐️⭐️
张贴
