鮨一 (厚福街)

营业中

休息中

系尖沙咀揾质素高、价钱又亲民嘅日本菜，呢间会系好选择。白子刺身 - 初初唔系好敢食，但一试难忘。完全唔腥，口感幼滑，有乳状口感，配上酱油味道好唔错。香箱蟹 -当然出色在蟹籽同蟹膏，非常鲜味。火山卷 - 喜欢海胆嘅朋友一定唔可以错过。大量嘅海胆，视觉上已经好满足。鲜味甘甜，再加上三文鱼籽，高质。「兰」、「菊」丼 - 前者有海胆、炙烧左口鱼边、吞拿鱼腩蓉同三文鱼籽，；后者有蜜甘鲷、三文鱼腩、油甘鱼同海胆。两者配上特色赤醋寿司饭，唔系每一间日本餐厅都有架。比一般寿司饭更具层次感，带醋香及酒香，配上刺身更美味。秋刀鱼刺身 - 刺身雕成叶嘅形状，卖相好靓，师傅刀工了得。鱼肉好鲜甜，油香十足。特盛鳗鱼 - 足足有我前臂咁长，好肥美。蒲烧酱汁加上焦香同芝麻香，不错。味噌煮牛舌 - 以味噌炆煮牛舌同萝卜，好腍好入味。三文鱼海胆炒饭 - 以三文鱼粒同海胆炒饭，增添不少鲜味。