潮薈軒

营业中

休息中

观塘新开左间装修几靓既潮州菜，面积大，摆酒都得啊！同同事黎食左餐饭，觉得都几有惊喜。酸菜作为前菜系系潮州酒家先比较多，真系好好食，酸酸味味好开胃啊。而且唔会干到好霉，而系好juicy果只。我地食左蚝仔粥（$96），配料丰富，除左冬菇同肉碎，当然仲有好多好多好鲜嫩既蚝仔！啲饭粒系汤饭既熟度，所以都系粒粒分明。大家都好钟意！一窝都有五碗左右。我地仲食左个几特别既甜品，系返沙芋件（$128），有八件，芋头切成长方条，外面布满厚厚既砂糖。一咬，啲糖就散入口，然后就咬到入面粉粉既芋头，系个几饱肚既甜品。呢度午市茶芥$13位，酸菜$13/碟，有加一。