壹.01

营业中

休息中

星期六晚同老公去观塘食台湾菜。餐厅2:30pm后做紧9折同埋特饮半价，仲要无加一，好抵食呀。壹.01芒果鲁肉饭第一次见鲁肉饭有芒果做配菜，但食落竟然无违和感，芒果单食都唔会酸，鲁肉肥瘦适中，鲁肉汁一定要捞饭食，岩晒重口味人士。姜葱手撕鸡饭真系爆多葱同姜蓉，无骨既手撕鸡同所有配料捞匀食最正。芋泥肉松蛋饼卖相吸引，芋泥绵滑带甜，同肉松几夹，蛋饼几脆口。拉丝芝士火腿蛋饼芝士好大旧，真系拉到丝，呢个组合无得输。台北夜市小食拼盘有盐酥鸡、台湾肠、花枝丸，盐酥鸡惹味，台湾肠好食，花枝丸弹牙。饮品叫左中size既古早奶茶(少冰少甜)同双柠冬瓜茶。