名人館

营业中

休息中

作为喺观塘返工嘅，自认观塘嘅美食都已经搜罗得七七八八，但系竟然比我遗漏咗呢一间超级宝藏嘅餐厅！里面嘅食物真系好出色，而且价钱相宜，好后悔而家先知道佢嘅存在🥹香蒜竹炭豆腐呢个系佢哋嘅招牌，我哋当然唔可以错过啦！真系唔试，唔知一试吓一跳！佢外皮超级酥脆，里面嘅豆腐超级嫩滑，呢种外脆内软嘅口感，真系一试难忘！陈醋猪手睇个样平平无奇，实质暗藏玄机！猪手比老陈醋浸到好入味，酸酸甜甜嘅陈醋汁令到猪手唔会太过滞！而且猪手「动L动L」咁，超好味！卤水双拼我哋拣咗鹅片同埋五香牛𦟌卤味双拼，里面仲有豆腐添！每一味食材都卤得好入味！鹅片肉质嫩，五香牛𦟌烟靭有咬口，豆腐入口即化！好正！大澳虾干芥兰煲呢个亦都系好有镬气嘅煲仔菜，佢哋好足料，用嘅系好大条嘅大澳虾干，芥兰都难得好幼嫩，个菜好惹味！最贴心嘅系佢哋仲会可以帮客人调整味道，例如唔钟意食重口味可以叫佢减盐，服务态度满分！蚝仔粥蚝仔粥里面都好多料，大家睇图都知道蚝仔有好多只！而且粥底软绵细滑！腐竹糖水本身谂住求其拣个糖水试吓，但系呢一个系我食过最好食嘅腐竹糖水！因为佢有好浓好香嘅腐竹味，里面亦都加咗好多莲子，每一啖都好丰富！差啲俾我错过呢一间咁高质嘅观塘潮州