きっとかつ Kitto Katsu

营业中

休息中

观塘楼上舖有好多特色餐厅，今日揾到成运工业大厦3楼嘅Kitto Katsu，入门口就见到餐厅墙壁上绘画咗一幅富士山画作，充满日本风情。餐厅地方唔算大，环境舒适，食物又吸引，而且价钱合理。是日餐汤系蚬肉忌廉汤好足料，味道香浓，入口顺滑。千层吉列豚（芝士流心）配汉堡包跟薯条用猪腩片卷成一层一层嘅豚肉再炸，酥脆又有肉汁。汉堡包有番茄、芝士和生菜，再配蜜糖芥末酱，夹埋一齐食，真系令人回味。慢灵魂有浓郁嘅咖啡味加上香滑奶盖，面层洒上可可粉，上面放有一块Lotus饼，又唔会太甜，口感绝佳。一口翡翠千层吉列豚配秘制日式咖哩天使面有6件豚肉包住翡翠苗做成卷状，外皮炸到非常脆嫩。天使面口感幼滑，放在浓郁嘅咖哩酱汁，特别好味。另外伴碟有沙律菜，食完清爽不腻。富士山卖相好靓，泡抹梳打加上海盐奶泡，带来淡淡清甜和少少咸咸地，饮落去有波子汽水嘅味道。炸物拼盘有鸡翼、洋葱圈、鸡软骨、薯条，全部都系即叫即炸，份量都唔少，酥脆可口。