きっとかつ Kitto Katsu (已結業)

今日約咗舊同事食飯，佢話要嚟觀塘行工廈，所以順道響附近搵嘢食，呢間餐廳都真係幾隱秘，但估唔到一開門，差唔多滿座咁濟，牆上面仲有大大幅壁畫，好鬼有feel～嘟個qr code就可以叫嘢食啦！！紐西蘭牛側腹牌配燒汁加咖哩湯烏冬：大大件牛側腹肉，肉味都唔錯，仲配埋蔬菜沙律～佢跟餐已經有埋咖哩湯烏冬，個咖哩汁好香，烏冬都算幾滑幾彈牙！豚肉生薑燒配忌廉烏冬：豚肉配生薑燒～甜甜地嘅日式口味，流心蛋雖然唔係好流心，不過蛋味香濃，撈埋落啲烏冬度都好好味！！跟餐仲有蔬菜沙律添～炸雞軟骨、炸墨魚咀：朋友話要食啲香口嘢～一硬一軟，炸得幾香口！！富士山：泡沫梳打加埋海鹽奶泡，味道鹹鹹甜甜，都幾得意，隻色又好吸引，好打卡able！unbloodyMary：紅蘿蔔、橙、蘋果、提子加梳打水，唔會太甜，有淡淡嘅蔬果味，好啱我口味！