新匯聚餐廳小廚

营业中

休息中

今晚去观塘睇家私，行过见到呢间新𠥔聚餐厅小厨，上OpenRice睇完食评好似不错就决定试试一坐低，老板老板娘伙记都好热情，就开始介绍招牌菜，老豆点咗个鳝鱼蒸荷叶饭，饭系糯米饭，一上枱已经好香鳝味，鱼既鲜味渗哂落糯米饭度，饭既硬度适中，唔太淋亦唔太硬，食得出系开叫即蒸，基本上唔落酱油都好够味，值得一提既系条鳝真系好新鲜，冇骨又肉厚。期间，老板有教我们如何去食同煮得好食，例如不好直接将鼓油倒落荷叶，否则鼓油不均匀，容易过咸...真的获益良多。另外叫咗一个拼盘，有鲜鱿同㰖角骨，㰖角骨啖啖肉，酱汁酸甜开胃。不过可能份量太多，两人食到有点油腻。于是乎再点个金银蛋上汤娃娃菜，又清又新鲜，中和一下油腻感。成餐饭都食得好饱足，因碟碟份量都很多，然后将食剩既糯米饭仲打包返工食，老板教我地点翻蒸先可以好似餐厅咁好食，最后老板送了份甜椰汁膏，今餐真系又食又拎，学到一堆冷知识。