壹.01

营业中

休息中

比较少黎观塘呢边，每次黎观塘都唔知食咩，今次系跟咗观塘地胆朋友揾食，佢强烈建议呢间台式风味小店「壹.01」，餐厅位于观塘中海日升中心，店内环境明亮餐厅简约而舒适。脆炸鲜奶卷和古早芋泥二文治好正！脆炸鲜奶卷外脆内滑，奶香浓郁，古早芋泥二文治嘅芋泥甜而不腻，咬落口感好绵密。姜葱排骨饭，可以要求多葱，排骨外酥内嫩，搭配香葱提升风味。底下有葱油捞饭，非常滋味。台北夜市小食拼盘包含台湾肠、花枝丸和盐酥鸡，丰富抵食，尤其钟意花枝丸，入口弹牙。蜜汁紫菜排骨饭（多葱）紫菜系一个亮点，同饭好夹，排骨大块入味，配合香葱紫菜，口感丰富。爆珠马蹄椰子水，椰子味突出，爆珠增添口感，清爽可口。