壹.01

营业中

休息中

今日同旧同学聚会，嚟咗呢间食台湾菜嘅餐厅，原来呢度嘅食物无论打卡、味道、性价比都唔错。 依家餐厅做紧优惠，过咗2:30pm，follow餐厅社交平台仲有九折优惠。食完之后好想去返一转台湾。芒果卤肉饭$58呢个台湾卤肉饭特别之处系加入咗大量芒果粒，平衡返平时食卤肉饭嘅油腻感。估唔到芒果加咗入去完全冇违和感，清甜又清爽，同卤肉嘅味道好夹。蜜汁紫菜排骨饭$62同学话呢个系呢度嘅叫食品之一，排骨炸得酥脆，啖啖肉，加上蜜汁，真系好好味，紫菜令到饭更加惹味。拉丝芝士火腿蛋饼$45呢个蛋饼好邪恶，热辣辣芝士劲拉丝，超多芝士，加上火腿嘅咸香，呢个蛋饼系好味嘅。炸鲜奶，芋泥二文治$48好耐冇食过炸鲜奶，估唔到呢度食到，勾起儿时嘅回忆。芋泥二文治，个名劲得意，原来佢唔系面包整嘅三文治，系饼干，饼干夹住香滑芋泥，外脆内软又绵密嘅口感。我不是章鱼烧（6粒）$44个卖相真系似日式章鱼烧，但其实佢系炸墨鱼丸加上沙律酱海苔同埋木鱼，墨鱼丸够爽弹，真材实料，食得出墨鱼嘅香味。肧芽豆奶（M) $16呢度饮品都几多选择，今日就拣咗杯感觉健康嘅杯芽豆奶，仲有得按自己嘅喜好选择甜度同冰量。