影片
更多
2024-05-13
63 浏览
餐厅主打Omakase同铁板烧，今次👦🏻👧🏻book咗铁板烧食～ 呢度可以望住师傅喺我地前面用熟练嘅技术去烹调出各款美食👨🏻🍳，成个过程好好睇👀，好似欣赏一场表演咁👏🏻～ 我地拣咗匠人料理铁板套餐$438/位，包咗三款前菜、汤、七款食物同甜品，肉类方面系四选一，有美国牛板腱、美国安格斯薄烧、西班牙猪肉眼同美国安格斯厚烧。🦑萤光鱿鱼干、鳕鱼片两款烤到脆卜卜，配上沙律酱食好滋味。🥗柚子沙律柚子清甜配上爽脆嘅生菜同清新嘅柚子汁，食完好清凉。🥚茶碗蒸蒸嘅时间控制得刚好，蒸蛋好滑嫩，滑到跣入口到～ 仲好有香菇味添～🐟银鳕鱼煎到两边好靓嘅金黄色，鱼皮脆卜卜好好味！鱼身算厚肉，口感嫩滑有肉汁！🦪广岛蚝 蚝肉饱满胀卜卜，外层有焦香感，咬落去有蚝汁。底下嘅烟肉同樱花虾煎到干身，非常香口！🦐原只虎虾轮到最期待嘅虎虾啦！见到大大只嘅虎虾，即刻流晒口水。师傅熟练嘅手法好快将虾肉同虾壳分离，虾肉雪白爽弹！虾头同虾脚煎到脆卜卜，虾头仲有虾膏，味道带甘香。🐮美国安格斯薄烧师傅煎到熟度啱啱好，唔会过熟，仲有粉嫩色。牛肉薄片包住满满炒香过嘅炸蒜同葱粒，食落非常香口！🎃时令铁板配菜有鸡髀菇、秋葵、南瓜片同番薯片，当中最
🦑萤光鱿鱼干、鳕鱼片
两款烤到脆卜卜，配上沙律酱食好滋味。
🥗柚子沙律
柚子清甜配上爽脆嘅生菜同清新嘅柚子汁，食完好清凉。
🥚茶碗蒸
蒸嘅时间控制得刚好，蒸蛋好滑嫩，滑到跣入口到～ 仲好有香菇味添～
🐟银鳕鱼
煎到两边好靓嘅金黄色，鱼皮脆卜卜好好味！鱼身算厚肉，口感嫩滑有肉汁！
🦪广岛蚝
蚝肉饱满胀卜卜，外层有焦香感，咬落去有蚝汁。底下嘅烟肉同樱花虾煎到干身，非常香口！
🦐原只虎虾
轮到最期待嘅虎虾啦！见到大大只嘅虎虾，即刻流晒口水。师傅熟练嘅手法好快将虾肉同虾壳分离，虾肉雪白爽弹！虾头同虾脚煎到脆卜卜，虾头仲有虾膏，味道带甘香。
🐮美国安格斯薄烧
师傅煎到熟度啱啱好，唔会过熟，仲有粉嫩色。牛肉薄片包住满满炒香过嘅炸蒜同葱粒，食落非常香口！
🎃时令铁板配菜
有鸡髀菇、秋葵、南瓜片同番薯片，当中最钟意食番薯片🍠，口感有少少脆口，带有甜甜嘅蕃薯味。
🍚炒饭
用上日本兰黄蛋、烟肉、葱、日本米等等炒成，用咗黑椒调味，充满浓烈嘅黑椒香气。炒饭呈金黄色，每粒都炒到干身粒粒分明。
🥬炒杂菜
萝卜丝同椰菜爽脆清甜～
🥣昆布汤
味道浓郁鲜甜，昆布口感爽脆。
🍡抹茶蕨饼
蕨饼口感烟韧软糯，抹茶粉味道香浓回甘，无苦涩味。
📍 菊月町 (观塘)
观塘鸿图道23号利登中心地下1号舖
张贴
