菊月町

营业中

休息中

📍喺观塘收工或者聚会好推介嚟菊月町食饭！夜晚会有食寿司或者铁板烧嘅omakase，今次就试咗铁板烧，最平嘅价钱由$438起，非常高质又食到饱！前菜会有柚子沙律、烤鱼干同茶碗蒸，等我哋食完之后厨师就会开始煎银鳕鱼同埋广岛蚝。银鳕鱼牛油味好出，厨师连鱼皮都会分开煎，食落劲脆口。广岛蚝够大粒饱满，个底仲会配上香葱烟肉碎，更加惹味。再下一道菜就系煎虎虾，虾肉啖啖肉又爽口，最惊喜喺呢度煎到虾壳都好香脆，可以食埋落肚。铁板烧嘅主菜我哋就分别拣咗牛板腱同埋安格斯薄烧，牛板腱煎至五成熟再配埋特调嘅红菜头蓉，食落几清新特别又几夹！牛肉薄烧入边就配咗炒葱蒜粒，食落会比前者浓味。食完之后仲会有烟肉炒饭、蒜蓉炒杂菜、汤同甜品，真系食过最饱嘅omakase。