AMONA

营业中

休息中

观塘成业街开左间隐世蛋糕店叫AMONA，主打健康又好食既蛋糕。今次我特登过黎试试佢地嘅招牌蛋糕：6" Pandan x Gula Melaka x Shredded Coconut。一攞到上手，仲以为佢系巨大化嘅泰式椰汁糕。个蛋糕外型相当好睇，外层系用新鲜嘅班兰叶包住，唔单止增加左视觉上嘅吸引力，仲有阵阵嘅自然班兰香气。呢款蛋糕的特色在于佢层次分明，最上层系椰子忌廉，食落有少少咸香椰子味🥥，唔会好腻，蛋糕层系轻盈柔软既班兰味戚风蛋糕，配搭上清香的班兰椰子斑斓酱，口感同味道都一流，底部仲夹著马六甲焦糖椰丝，咬落去嘅瞬间，香甜的椰子味道令人惊喜，成个蛋糕嘅口感十分丰富。我同我啲朋友share果阵，个个都话个蛋糕同平时食嘅无得比！呢一间蛋糕店每一个蛋糕都系每日新鲜制作，完全不添加防腐剂，主打无麸质及纯素低糖蛋糕，吃得安心又无负担，对于想要享受甜品但又担心热量嘅朋友黎讲，AMONA绝对系个好选择。