i素食 (已結業)

一出电梯，沿途都好似其貌不扬咁，妈咪有啲犹疑，心谂我又带佢食乜啊？但一推开门，又好似去咗另一个世界咁，昏暗嘅灯光、柔和嘅中乐做background music、中西合璧嘅装饰、色彩缤纷嘅枱櫈，真系唔似一间系食斋嘅地方呢！椰子木瓜汤坐低冇耐，店员就递上汤、糯米糍、海带及橙。汤饮得出系冇味精嘅，清甜滋润又多汤渣，不过木瓜味道比较浓啲，椰子味就相对淡啲；海带好好味，但太硬了有机紫薯糯米糍以为系咸点，饮完个汤就食咗，先知原来系类似年糕嘅糯米糍！口感柔软弹牙，甜度适中，可惜一啖食晒蜜汁杏鲍菇配饭 ($65)卖相几得意，一堆肥厚嘅杏鲍菇旁边有紫椰菜及杂菜；杏鲍菇几入味，有嚼劲食得好开心！素肉碎海南粉 ($70)卖相比较普通，不过肉碎又真系好似真肉，唔讲都唔知系斋添！整体味道不过不失啦咖哩素鸡配饭 ($80)个咖哩都几辣，唔食得辣嘅朋友应该都会几痛苦！有几块素鸡、红萝卜及薯仔；素鸡同平时𠮶款好唔同，外层有啲似吉列猪扒，入面啲纤维嘅像真度真系非常高，连口感都同真嘅肉好相似... 由于太辣嘅关系，老板娘好好人咁请我食多旧糯米糍环境舒适，系一个值得hea嘅好地方