三小漁

营业中

休息中

电讯一代楼下，虽然隔离有间谭仔三哥，但系仍然冇阻我选择食佢嘅决心。特别系午市，一个餐$50至$70不等，但系非常足料，又有埋嘢饮。12点都唔会话好迫好多人。最好嘅地方系，午市有九五折，外卖自取仲有八五折，真系超抵。自己公司喺楼上，成日都帮衬。非常推荐佢嘅椒盐猪扒，四至$5大大块嘅猪扒，加埋一碗饭。打工仔食真系超正，非常香口。另外胡椒猪肚汤都系一个非常好嘅选择，冬天嘅时候食，真系驱寒保暖。而且佢亦都唔会话太重口味，加上有健康饮品可以拣，饮品款式都多过平时出面嘅茶餐厅，个人10分欣赏。