阿桂老友粉 (已結業)

寻日同老公落观塘行街，正正下午茶时份，肚仔饿当然要揾野食啦﹗今次经过康宁道，被一间装修好pink的餐厅阿桂老友粉所吸引，于是好奇孖宝当然就系要入去试试啦﹗入到去餐厅全黑配shocking pink的装潢令我觉得好型格又可爱﹗而且座位又宽敞又舒服。好明显老板系一个好钟意靓的人，连本餐牌都设计得好靓。原来老友粉都有故事，而且仲好感人架，所以我真系好想试下老友粉系点嘅味道。未食野之前饮左一枝山渣苹果茶，酸酸甜甜好开胃啊﹗ 大大枝只售hk$10主角老友粉终于出现啦﹗颜色好似马来沙嗲咁，里面好多料，有生菜、蕃茄、猪肉同埋花生粒。汤底好鲜甜，而且带有少少酸，好开胃，味道又够特别。入面面底系莲藕粉，莲藕粉系透明架﹗口感好爽好弹牙，我好钟意呀﹗老公就点左小辣担担面，个汤底劲香呀﹗而且劲多肉碎，又有花生粒，正呀﹗担担面比平日食的担担面粗身，而且都系好爽口弹牙﹗老公食到好满足，仲大赞添。另外，我地仲点左佢地出名嘅惹味口水鸡。鸡肉好嫩滑，而且好入味，不过份量唔算多，只系岩岩够两人食。