極尚大喜屋 (鱷魚恤中心)

营业中

休息中

好耐无食过放题了，可以一次过食唔同刺身同热食，选择又多，依家埋单每人都系200蚊度，唔算太贵。.刺身同寿司🍣每次一坐低都一定会叫刺身先，刺身必点有三文鱼腩、带子、油甘鱼、吞拿鱼🐟……每款都新鲜同埋厚切，大满足。寿司方面比较特别嘅有黑松露油甘鱼，加咗黑松露令到成件寿司生色不少，同埋香口咗好多。火炙三文鱼腩都好正，每啖都有丰富油脂😈.熟食方面都好多选择烧羊架必叫，唔会overcook，香口嘅羊架加上孜然粉，绝配。姜葱爆鳝球都几特别，真系有大排档风味，鳝球有走过油，配搭姜葱爆炒一绝。自助吧竟然会有酸菜鱼，估唔到又ok㖞，酸菜好足料，唔会辣，啱晒唔食得辣嘅人。.自助吧食物种类都好多饮品有汽水🥤茶🍵咖啡☕️应有尽有，比较特别系仲会有清酒🍶。雪糕🍦都有好多选择，除咗haagen dazs仲有其他牌子拣。