張公子

营业中

休息中

呢間張公子係一間新派嘅中菜餐廳，餐廳裝修簡約雅致，座位寬敞。今次試食咗餐廳幾個招牌菜式，整體嚟講味道幾好，價錢方面以觀塘工廠區嚟講偏貴咗少少。秋霧鹵醉蝦：上菜嘅時候會配埋乾冰，營造出煙霧嘅高級感，打卡一流，蝦嘅肉質彈牙，每隻蝦勁多蝦膏，調味配咗淡淡嘅酒香味，再食落去會有微微嘅椒麻味，十分出色，亦係我最鍾意嘅一道菜。張公子牛肋排：好有驚喜嘅一道菜，牛肋排連埋骨一齊上，起初驚食起上嚟唔方便，又驚會好韌，但食落發現原來已經切好一片片，而且肉質十分鮮嫩，煮得好入味。張公子叉燒：採用半肥瘦嘅肉，好濃嘅蜜糖香味，燒到舊叉燒有少少微燶邊，味道非常唔錯，但價格偏貴。勁量重手芝士大蝦球伊麵：就好似佢個名咁講真係落左勁多芝士，全部都係拉絲芝士，好濃厚嘅芝士香味，個人覺得有少少漏。