張公子

营业中

休息中

呢间张公子系一间新派嘅中菜餐厅，餐厅装修简约雅致，座位宽敞。今次试食咗餐厅几个招牌菜式，整体嚟讲味道几好，价钱方面以观塘工厂区嚟讲偏贵咗少少。秋雾卤醉虾：上菜嘅时候会配埋干冰，营造出烟雾嘅高级感，打卡一流，虾嘅肉质弹牙，每只虾劲多虾膏，调味配咗淡淡嘅酒香味，再食落去会有微微嘅椒麻味，十分出色，亦系我最钟意嘅一道菜。张公子牛肋排：好有惊喜嘅一道菜，牛肋排连埋骨一齐上，起初惊食起上嚟唔方便，又惊会好韧，但食落发现原来已经切好一片片，而且肉质十分鲜嫩，煮得好入味。张公子叉烧：采用半肥瘦嘅肉，好浓嘅蜜糖香味，烧到旧叉烧有少少微㶶边，味道非常唔错，但价格偏贵。劲量重手芝士大虾球伊面：就好似佢个名咁讲真系落左劲多芝士，全部都系拉丝芝士，好浓厚嘅芝士香味，个人觉得有少少漏。