花居酒屋 (已結業)

呢间友人介绍既花居酒屋，真系唔少人食，8:00去到都见到好多人，接近full house。佢既装修好多日本既元素同detail位，我特别欣赏满满海报既装饰墙，加埋背景日文歌，和风味十足。竹寿司盛合（$198）寿司方面，我地2个都懒得拣，叫左个2人份量，已经配搭好。件件卖相都唔错，三文鱼子超大粒同饱满，咬落多汁又唔腥。火炙过既油甘鱼更香甜。三文鱼同吞拿鱼寿司都水准之列。熟虾寿司都结实都弹牙，确实唔错。刺身（$219）刺身我地就叫左甜虾6只，佢系成只连虾头。我特别钟意虾头，有好多人唔食，但我觉得好鲜甜，加埋淡淡海水味好正。北寄贝都几爽口，而三文鱼都好厚切，加埋wasabi更有鲜味。而帆立贝咬落好creamy。安格斯牛肉乌冬（$88）佢既牛肉同平时食开唔同，好有牛肉味，而且好少见会配埋秋葵。乌冬就烟烟韧韧，应该系赞歧乌冬，配埋汤底好好食。芫茜樱花虾玉子烧（$78）一上碟我地有少少吓亲，估唔到真系咁多芫茜系面，不过玉子烧份量都大份，佢地都几好比埋叉我地，因为用筷子夹就难d，会比较易散，佢除左面入面都有芫茜，樱花虾淡淡既咸香，令味道更加鲜明。