影片
更多
2022-09-25
33 浏览
中环壁画街斜路再上，门口简单挂上赏樱招牌，倘门拉开看到餐厅有一玄关通道，通向餐枱位置，装潢采用水泥等自然素材搭配日式挂画，环境优雅。晚餐omakase，《寿司十贯》、《花》、《见》，最后㨂左中间价位之《花》$1680。餐牌简单，剌身四皿、 一品料理、 寿司六贯、汤|甜品，用料同功夫一d都唔简单，前菜到刺身四道已经显出师傅既细心同用心，细致既编排。职员首先送上热茶，介绍我地师傅-炜师傅，讲解上菜次序，又细心提示台上面嘅灯可自动调教，整道料理过程都会主动睇下我地d茶够唔够，主动加茶，收拾，非常到位贴心的服务。当日炜师傅帮我哋发板，非常细心，一开始除咗问我哋有冇咩食物敏感之外，细节问埋我哋系咪姜或者葱都会食。每道菜都会介绍食材用料同进食次序，非常好既体验。前菜最先上的一道鳕鱼干，非常脆身干身，方型切片，睇得出是自家制，亦唔会好似出面𠮶啲咁加咗好多淀粉。天妇罗鸡泡鱼. 炸白虾. 莼菜马粪海胆. 黑梅贝特别推介莼菜马粪海胆，师傅讲解莼菜食材本身系为保护自己所以会有一层膜包住，食咁多次omakase，今次先知原来食材本身系咁，学到野。用筷子系夹唔起所以师傅教我地好似饮sake咁一啖饮晒。莼菜马粪海
中环壁画街斜路再上，门口简单挂上赏樱招牌，倘门拉开看到餐厅有一玄关通道，通向餐枱位置，装潢采用水泥等自然素材搭配日式挂画，环境优雅。
晚餐omakase，《寿司十贯》、《花》、《见》，最后㨂左中间价位之《花》$1680。餐牌简单，剌身四皿、 一品料理、 寿司六贯、汤|甜品，用料同功夫一d都唔简单，前菜到刺身四道已经显出师傅既细心同用心，细致既编排。
职员首先送上热茶，介绍我地师傅-炜师傅，讲解上菜次序，又细心提示台上面嘅灯可自动调教，整道料理过程都会主动睇下我地d茶够唔够，主动加茶，收拾，非常到位贴心的服务。
当日炜师傅帮我哋发板，非常细心，一开始除咗问我哋有冇咩食物敏感之外，细节问埋我哋系咪姜或者葱都会食。每道菜都会介绍食材用料同进食次序，非常好既体验。
前菜
最先上的一道鳕鱼干，非常脆身干身，方型切片，睇得出是自家制，亦唔会好似出面𠮶啲咁加咗好多淀粉。
天妇罗鸡泡鱼. 炸白虾. 莼菜马粪海胆. 黑梅贝
特别推介莼菜马粪海胆，师傅讲解莼菜食材本身系为保护自己所以会有一层膜包住，食咁多次omakase，今次先知原来食材本身系咁，学到野。用筷子系夹唔起所以师傅教我地好似饮sake咁一啖饮晒。莼菜马粪海胆，海胆混和莼菜清新既味渐渐渗出海胆鲜味，非常过瘾。
刺身四皿-第一道
水母刺身. 松叶蟹冻马粪海赡. 北寄贝. 赤贝
用料新鲜，摆盘精致，萝卜都系师傅自己雕花
剌身新鲜，北寄贝简单加左岩盐青柠，豉油都唔使加，食出食材本身既味道；赤贝味浓，见师傅准备食材时拍打贝类，贝类立即醒袖有反应
刺身四皿-第二道
北海道生蚝+ 柚子酸汁jelly
生蚝太大只，师傅专登切开方便进食，北海道生蚝海水味唔会太浓，肉质厚，creamy，加上师傅自家制既柚子酸汁jelly，非常match.
刺身四皿-第三道
白鱼卷. 𩽾𩾌鱼肝. 牡丹虾. 凡立贝海胆粉. 天然鲭鱼. 水果蕃茄
白鱼真鲷卷中间加左少少toro溶，层次丰富，上面上面加咗冇色素添加嘅飞鱼子精莹通透。
𩽾𩾌鱼肝无苦味，用火枪烧过，将油份带出，师傅讲解时话要逐一去血管除腥味，非常考功夫嘅一道菜。
凡立贝用海胆粉包住，第二度应该冇得食，系用新鲜海胆炒干然后造成海胆粉，少啲心机都唔会咁做。
鲭鱼酱鱼渍，上面加上生芋溶，新鲜鲭鱼肉身滑，松软有油份
水果蕃茄 ，甜度去到8，加小小盐更带出甜味，refresh
刺身四皿-第四道
紫菜包拖罗
中间师傅帮我哋准备拖罗同脑天中拖罗，用火枪烧过嘅脑天，加埋中拖罗，紫苏叶，用黄豆纸同紫菜包，拖罗入口即溶，两重享受，非常满足。
一品料理-子持香鱼
子持即持有孩子，亦可解作多春，香鱼肉质软绵，鱼骨细，慢嚼亦可食埋鱼骨。鱼汁是用鱼骨汤每日熬制，清甜鲜味，萝卜亦以花型上，可看师傅之细心。
寿司六贯-伊左木、右口鱼、银鳕鱼、鲣鱼酱油渍、黑鯥、北海道马粪海胆
先上沙律姜，姜没有渣，姜味中带点甜味，据知姜是师傅每日过夜“啤”水洗走姜的辣味，有食过一些omakase只是用来货子姜做配菜，赏樱这里就算是简单的配菜-姜，亦是用心用时间去做，有惊喜亦看得出是非常有诚意的餐厅。
寿司用上赤醋饭,wasabi的份量可跟师傅沟通，
右口鱼/鲛鲽鱼：鱼边有烧过， 烧过的鱼边油分重， 肉身有咬口，鱼味淡
银鳕鱼：烧过的银鳕鱼鱼肉入口即溶，带出鱼油份，鱼味在口喉停留
鲣鱼酱油渍：加左醋面豉和芝麻粉，新鲜芝麻粉非常香，鲣鱼鱼质结实，味浓
黑鯥：加左白松露，口感滑，鱼味浓，回香
北海道马粪海胆：选用赤海胆，可以连埋底下用矶之雪制成既小盘一啖入口，赤海胆口感奶滑而又浓郁，而且入口即溶，味道相当鲜甜。
汤 |甜品
面豉汤入面仲有一只大虾，满足
甜品用左静冈密瓜，清甜爽口
以这个价钱可以食到十几道菜，而且系可以慢慢享受，可以同师傅交流，唔会有时限的一餐omakase，性价比一流，视觉味觉感觉无可挑剔的一餐。
张贴
