鳥山名

营业中

休息中

成餐饭都好有惊喜！2个人埋单$600都唔使但都好饱好饱~食物都好高质。见到menu做紧晚市大放送，好多锅都想试！ 最后拣左广岛蚝锅，超抵，起码成6粒大大粒蚝肉先HKD118! 仲有好多唔同配菜，包括冬菇，豆腐，金针菇等等。另外有个menu系料理长推介，当然要试下啦！ 怕食太过饱，所以就系叫咗六件寿司。胡麻鲭鱼福岗名物，口感独特清新。伊佐木 肉质雪白且通透，脂肪丰盈，口感柔软黑睦 钟意食深海鱼嘅就要拣呢款啦。有丰富嘅油脂同埋入口即溶。火炙吞拿鱼面颊肉油脂较吞拿鱼肚平均，弹牙爽口。胡椒鲷肉质细嫩，油脂平均。北海道海胆整体份量足，海胆肉质肥厚，口感细致。另外我哋见到定食set好抵！HKD155有成8件寿司+4件卷物，仲配有沙律汤同埋小食。寿司就包括三文鱼，吞拿鱼，鲷鱼，𩽾𩾌鱼肝，蟹柳，带子，大虾等。卷物的鱼籽好足，食落好爽口。 整体上面餐厅空间咁大，座位宽敞舒，食物大份兼抵食。