好雪片片 (已結業)

妹妹介绍去试下，免加一，价钱较贵，食物味道唔错，卖相好靓、食到有heart。先讲下个地方，一个茶室充满宁静既感觉，订左位之下一家去食下野。果茶：味道似洛神花加杂莓，又似山渣既味道，解渴清新。北海道带子配蟹肉意大利饭：带子煎得岩岩好，大大粒好鲜甜爽口，好多蟹肉在饭内，味道好香，意大利饭煮得岩岩好，多汁。和风带子明太子意粉🍝：呢个最好食，个面好好食，好creamy, 食到放左好多明太子落去，黏住每一条面，正😄。极上蒲烧原条鳗鱼饭：卖相靓，但无惊喜。西京比目鱼配珍珠米饭：无咩惊喜无花果芝麻蛋糕：呢个有好浓芝麻味，好香，加埋上面新鲜无花果好甜，底下既芝麻碎碎好香，成个食落去好滑好香甜甜地碎碎地咁好特别。总体来讲叫鱼饭就麻麻，其他都好好味，价钱较贵。