焱丸水產

营业中

休息中

同朋友系尖东附近揾嘢食，谂起好耐冇食焱丸水产，就决定食佢啦。我哋两个人唔系好肚饿，嗌咗四款嘢加两杯野饮，份量啱啱好。蟹味噌甲罗烧一如既往咁好食，浓味得嚟唔会咸，配埋青瓜丝好好食。活贝大盛有好新鲜嘅蚝、扇贝、蚬同鲍鱼。蚝好鲜甜，唔会太咸又唔腥。扇贝同蚬都好多汁。鲍鱼要烧得耐啲，但系都好香同淋。三文鱼冷面之前系网上见过，但系一路都冇机会食，今次终于食到啦。店员教我哋将生蛋、Wasabi同酱汁捞埋一齐，再用嚟点三文鱼面，食落几特别。焱丸号好啱打卡，有青瓜小卷系底，上面有满泻嘅海胆、三文鱼子、蟹籽、带子、三文鱼、吞拿鱼蓉同蟹柳。所有嘢都好夹好好食，食到停唔到口。嘢饮要咗柚子梳打，解渴得嚟同烧物好夹。