香馥樓

营业中

休息中

难得今日收早!即刻Call 班饭脚出黎试下新野，铜锣湾嘅餐厅都食到有啲闷晒，朋友仔推荐话铜锣湾广场二期开咗间新嘅中菜厅，信佢！入到门口装修都好新，坐低D姐姐都几好招呼，点咗一份叉烧同一份一口豆腐试下先。佢哋嘅叉烧好厚切，好好食，叉烧嘅油香味出晒嚟。一口豆腐亦都炸得好香脆，但系真系好热气。因为餐厅系新开嘅，所以好想知道有啲乜嘢系特别推介。侍应姐姐就推介咗佢哋嘅乳鸽，真系好香脆可口，仲好juicy，真系好耐都冇食到咁好食嘅乳鸽啦。我仲点咗一份椒麻安格斯牛柳粒，超级多牛柳粒，最后仲食唔晒。牛柳粒好香，肥瘦均匀唔会好干柴，有一啲麻麻但又唔辣嘅口感，好正。最后仲点咗一碗杨枝甘露，超级大碗，超级多芒果！甜品噶最高评价系咩？“”唔系好甜！“”。