Kampoeng

营业中

休息中

朋友话想试下印尼菜，上网查查揾左依间，见餐厅地方大环境干净，就去试试。餐厅在印尼菜食品店下层地库，平时行街真系唔会发现。地方估唔到会咁大，光线柔和，环境舒适。美食都好多选择，可惜当日无烧鱼供应呢～味道不俗唔会伏，串烧系有惊喜，好食到想再添。炸黄豆饼 $29外皮香脆饼厚身，食落有点似鱼肉质感，可以一试，食多会有点油腻。沙嗲鸡肉串(3串) $46好有炭烧风味，肉质嫩口入味，沾上沙嗲酱花生味浓特别美味。虾酱炒通菜 $65通菜翠绿新鲜爽口，虾酱咸惹美味唔会好咸，仲好有镬气！印尼杂锦黄姜饭　$78黄姜饭清香软糯，唔会好油。配菜包罗万有，有薯仔、青豆、鸡锤、鸡蛋、果仁、虾片等等，仲有沙嗲酱捞饭食好食。亚答子冰 $29饮料好鲜艳绿色的味道甜甜地，亚答子果肉半透明，似海底椰口感柔韧好嚼口。凉粉珍多冰 $29珍多粉条软滑，凉粉Ｑ弹，以椰奶加椰糖浆搅匀即可，甜度适中，好饮。