鐵牛台灣牛肉麵 (翡翠中心)

营业中

休息中

去食𠮶日系星期二嚟，夜晚8:00去到唔洗等位。哩度最出名系牛肉面，所以就叫咗碗红烧牛肉面同一杯珍珠奶茶。讲下牛肉面先：个汤底系败笔，饮落好重豉油味，偏咸，完全冇红烧牛肉面应有嘅香、浓牛肉味汤底。小弟唔太钟意食榨菜（唔知𠮶啲系咪叫榨菜，有错请指正），如果餐牌写明有榨菜会比较方便唔食榨菜嘅客人。牛肉够淋、唔黏牙，但有啲筋位难咬开。牛肉味道唔差。面质有咬口、个人比较钟意少少硬身嘅面。珍珠奶茶：有惊喜，唔太甜，好多连锁奶茶铺嘅奶茶都好甜，呢度唔会。奶同茶比例啱啱好，因为茶太多会偏涩、奶太多会腻。珍珠有咬口，亦唔会黏埋一嚿，抵赞！总结：店员服务态度几好、有礼貌。招牌牛肉面都做得唔好，唔会再食。