影片
更多
2024-07-22
343 浏览
上次路经沙田见到间新开泰国菜，望完个餐牌都好似几吸引；不过刚刚食完晚饭，就唯有等下次先试。星期日六点几去开沙田，就谂住试吓新野。见到要排队都谂住转軚，但咁啱有高枱嘅位，就入去试一试佢。睇完个餐牌叫咗猪肉船面（宽河粉），红咖哩牛面颊肉饭，泰式咸蛋鱼饼，一个香茅青柠沙冰，一个芒果沙冰。等紧嘅时候周围望，见到左右两边都有个水煲，以为系啲特色野饮。到我还番个餐牌俾侍应嘅时候先听到佢讲：噢，呢到争个茶。咁都见到佢地忙到冇停手，枱都唔得闲执；何况我又叫咗个沙冰，冇茶饮都唔紧要。继续等紧嘅时候听到隔离枱个仔（一家四口，父母同一对仔女）讲：你（同亚妈讲）照将啲汁捞落个饭到啦，个炒饭无味呀！我个心已经沉咗一沉。到个船河嚟到嘅时候，一试个汤即时意会到个仔所讲嘅野；我地食开淡味野嘅都觉得佢淡味。香茅青柠沙冰淡味都可能系杯沙冰本身啲成份唔浓味，连芒果沙冰都冇乜芒果味先过份！最正常都系个咖哩，我地有冲动叫多个白饭用嚟点个咖哩汁。泰式咸蛋鱼饼个味又好浓，我地要点咖哩汁先食到。食完晒谂住饮番杯茶，话晒人地特登拎嚟。倒完啲茶落个杯到即时有油浮面，咁可想而知只杯洗得有几干净！最后埋单四百几蚊，同我预期差唔多；再仔细睇睇
星期日六点几去开沙田，就谂住试吓新野。见到要排队都谂住转軚，但咁啱有高枱嘅位，就入去试一试佢。
睇完个餐牌叫咗猪肉船面（宽河粉），红咖哩牛面颊肉饭，泰式咸蛋鱼饼，一个香茅青柠沙冰，一个芒果沙冰。
等紧嘅时候周围望，见到左右两边都有个水煲，以为系啲特色野饮。到我还番个餐牌俾侍应嘅时候先听到佢讲：噢，呢到争个茶。咁都见到佢地忙到冇停手，枱都唔得闲执；何况我又叫咗个沙冰，冇茶饮都唔紧要。
继续等紧嘅时候听到隔离枱个仔（一家四口，父母同一对仔女）讲：你（同亚妈讲）照将啲汁捞落个饭到啦，个炒饭无味呀！我个心已经沉咗一沉。到个船河嚟到嘅时候，一试个汤即时意会到个仔所讲嘅野；我地食开淡味野嘅都觉得佢淡味。香茅青柠沙冰淡味都可能系杯沙冰本身啲成份唔浓味，连芒果沙冰都冇乜芒果味先过份！
最正常都系个咖哩，我地有冲动叫多个白饭用嚟点个咖哩汁。泰式咸蛋鱼饼个味又好浓，我地要点咖哩汁先食到。
食完晒谂住饮番杯茶，话晒人地特登拎嚟。倒完啲茶落个杯到即时有油浮面，咁可想而知只杯洗得有几干净！
最后埋单四百几蚊，同我预期差唔多；再仔细睇睇原来收咗十蚊茶钱。我唔觉佢个apps版面有写要茶钱。
题外话/补充资料：
举手同个男侍应想话要两只碗食船河，直接无视继续送佢嘅餐！！！另外一个女侍应”应”咗我但最终又系行咗去；最快都系叫埋单嘅时候！
我地走嘅时候不约而同咁讲︰试过就算！！~
(以上食记乃用户个人意见 , 并不代表OpenRice之观点。)
张贴