辣媽川湘私房菜

营业中

休息中

食开安宁路𠮶间辣妈，特别喜欢食佢嘅辣椒干炒田鸡，今日朋友话西菁街𠮶间更加好食所以就带我去试，我哋两个人点咗一个例牌酸菜桂花鱼小辣，一个泡椒炒田鸡，同埋一个猪手，另外点咗两杯饮品，一杯系西柚咁饮得一杯系芒果沙冰。酸菜鱼上枱嘅时候都几大盘不过鱼片就唔算10分多，但系当然够我哋两个人食，由于我哋点小辣嘅原因所以酸味较重系正常，我个人几钟意食酸所以觉得好味，鱼片又滑，正！至于泡椒炒田鸡就比较咸可能因为泡椒本身系有咸味嘅原因，田鸡肉就比较少，相对安宁路田鸡就比较好食，但系个猪手真系意想不到咁好食，虽然得五旧，但系都几大旧，有够香又够辣，送酒真系一流，至于两杯饮品都能够减辣，同埋都几清新！