影片
更多
2017-05-29
300 浏览
黎到黄埔，首当其冲一定要去试下近期城中话题既《煎饼厨房》啦！传说Hit到落完Order都要等4个钟头后收到电话Call先有得食，究竟系咪真系咁好食到定系羊群效应呢？今日就由饮食情侣小先锋【赖先生同屈小姐】为你报导！赖先生拖住屈小姐隔住个红绿灯望住间《煎饼厨房》既时候，发现冇乜人（门前只有3-4名客人等候，而厨师不停煎饼中），心谂：好野！即刻有得食！谁不知，系等一等红绿灯过马路既时候，我地已经比另外2位客人捷足先登！埋到去落Order既时候，店员居然系屈小姐面前抄赖生牌，原来店员话要等30分钟先有得拎，到时会打电话通知我地黎拎！之但系⋯既然生意咁好，佢明明有2个炉，点解净系开1个黎煎呢？赖生都百思不得其解⋯不过为左食好西，我地梗系等啦！顺便拖住屈小姐系黄埔周围睇下其他野食先过左30分钟后⋯赖生收到电话啦！聪明既屈小姐亦早于25分钟既时候行番去舖头附近等食啦先黎介绍第一个 ：1）北京烤鸭煎饼：⭐️⭐️⭐️⭐️ (3.5星) 一拎上手个饼大块得黎劲聚手，已经知入面既材料好多，有：烤鸭丝、青瓜片、京葱丝同鸡蛋！首先不得不称赞一下北京烤鸭加煎饼呢个组合，省却左平时大家食北京填鸭要自己不停包既烦恼，更好既
赖先生拖住屈小姐隔住个红绿灯望住间《煎饼厨房》既时候，发现冇乜人（门前只有3-4名客人等候，而厨师不停煎饼中），心谂：好野！即刻有得食！
谁不知，系等一等红绿灯过马路既时候，我地已经比另外2位客人捷足先登！埋到去落Order既时候，店员居然系屈小姐面前抄赖生牌，原来店员话要等30分钟先有得拎，到时会打电话通知我地黎拎！
之但系⋯既然生意咁好，佢明明有2个炉，点解净系开1个黎煎呢？赖生都百思不得其解⋯不过为左食好西，我地梗系等啦！顺便拖住屈小姐系黄埔周围睇下其他野食先
过左30分钟后⋯赖生收到电话啦！聪明既屈小姐亦早于25分钟既时候行番去舖头附近等食啦
先黎介绍第一个 ：
北京烤鸭煎饼
$34
53 浏览
0 赞好
0 留言
一拎上手个饼大块得黎劲聚手，已经知入面既材料好多，有：烤鸭丝、青瓜片、京葱丝同鸡蛋！
首先不得不称赞一下北京烤鸭加煎饼呢个组合，省却左平时大家食北京填鸭要自己不停包既烦恼，更好既系：呢个组合可以带比大家大口大口食既满足感同快感⋯真系食极都仲有，唔似食北京填鸭咁，一啖就食晒
而呢度既煎饼呢，并唔系外面煎到好脆咁既，系拎上手软身既，但唔紧要，饼皮都整得够薄，唔会穿既，加上佢将块饼皮折叠，其实食完都会饱饱地！另外佢先将只蛋煎入饼皮，再涂满北京烤鸭酱，单系饼皮已经好入味！甜甜地！正！
配上爽脆青瓜添上口感，再包满肉香满泻既鸭肉丝！整体配搭唔错！如果个烤鸭皮可以做到脆脆地，咁就超正啦！不过呢个价钱~ 收货！
再黎就系 ：
孜然羊肉煎饼
$34
56 浏览
0 赞好
0 留言
2个人食2块饼⋯唔过份丫？！
呢个煎饼比起北京烤鸭饼更有风味，味道更浓郁！材料有：羊肉，青瓜片同芫茜。（提一提唔食芫茜既人⋯记得落单前叫走芫茜）⋯
一咬落去！劲重羊肉味渗出黎！孜然味是其次，重点系是逼晒羊既味道出黎！做得好出色！羊肉不算太Un！(如果可以再嫩啲就不得了！) 比北京烤鸭更为惹味及突出！如果系羊肉爱好者，呢个煎饼一定岩你！
好食真系几好食⋯但要等半个钟㖞⋯大家记得有心理同生理准备
后记：话说2块饼外形明明一模一样⋯屈小姐凭肉眼就分得出边块打边块既？⋯
当赖生食左一半仍然觉得好神奇既时候⋯屈小姐就(懒型咁指住)赖生手上面装煎饼个袋⋯⋯有蓝笔大大只写住个《羊》字⋯
#一人一啖share最好味
#可爱趣怪既屈小姐
#最爱与妳一起食尽天下
#妳会一直都是赖生所宠爱的
#好西是需要等待的
#犹如美好既爱情
张贴
