影片
更多
2022-08-21
2122 浏览
介绍返💁🏻♀️。。🇬🇧 Afternoon Tea 在中环 🇬🇧。Murray Lane。The Murray, Hong Kong 酒店平台楼层。Gent’s Afternoon Tea 绅士下午茶Scotch Egg 苏格兰夹心蛋。Smoked Salmon Mousse 烟熏三文鱼慕斯。Yorkshire Pudding 约克郡丁佩烤牛肉 。Beef Shortrib Pie牛小排脆批。Cheese Selections 三款芝士拼盘。Beechwood-Smoked Cheddar Scone 英式芝士松饼。Devil’s Chocolate Cake 魔鬼朱古力蛋糕。Tiramisu 意大利芝士饼配杏仁脆饼。Blueberry Pie 迷你蓝莓批Illy Coffee OR Jing Tea。HKD728 + 10% for 2 PersonsFlights of Beer 手工啤酒Pilsner Urquell。Asahi Stout。HKD148 + 10%🤫成个礼拜前就已经约定咗饭脚仔寻日星期六去大澳行吓顺便扫街..点知星期五天气咁鬼差..好惊星期六都会天气不似预期..
。
。
🇬🇧 Afternoon Tea 在中环 🇬🇧
。Murray Lane
。The Murray, Hong Kong 酒店平台楼层
。
Gent’s Afternoon Tea 绅士下午茶
Scotch Egg 苏格兰夹心蛋。Smoked Salmon Mousse 烟熏三文鱼慕斯。Yorkshire Pudding 约克郡丁佩烤牛肉 。Beef Shortrib Pie牛小排脆批。Cheese Selections 三款芝士拼盘。Beechwood-Smoked Cheddar Scone 英式芝士松饼。Devil’s Chocolate Cake 魔鬼朱古力蛋糕。Tiramisu 意大利芝士饼配杏仁脆饼。Blueberry Pie 迷你蓝莓批
Illy Coffee OR Jing Tea
。HKD728 + 10% for 2 Persons
Flights of Beer 手工啤酒
Pilsner Urquell。Asahi Stout
。HKD148 + 10%
🤫成个礼拜前就已经约定咗饭脚仔寻日星期六去大澳行吓顺便扫街..点知星期五天气咁鬼差..好惊星期六都会天气不似预期..所以即刻转阵去Plan B..而我嘅Plan B就系去Murray Lane度叹吓佢哋最新出嘅Gent’s Afternoon Tea..(哩个Tea真系好适合我呢啲咁麻甩嘅为食仔🤭)
🤫 咁我同饭脚仔由金钟地铁站𠮶边出发行到去Murray Hotel大约用咗十五分钟啦..因为饭脚仔一早就Make咗Reservation仲同人哋讲咗我哋系嚟食Gent’s Afternoon Tea..咁坐低冇耐餐厅嘅Staff拎咗Specific嘅餐牌俾我哋轻轻讲解吓..然后就为我哋带嚟我哋嘅Welcome Drink..haha..佢哋嘅Welcome Drink竟然一壶Lager..(开心仔..咁快就有啤酒饮✌🏻)然后再等咗一阵间..我哋嘅Afternoon Tea就上枱啦
🤫 真系忍唔住要第一时间讲..上枱嘅果一刹那..我个心谂..我真系好适合食呢一个麻甩嘅下午茶呀..主要嘅原因系因为Gent’s Tea本身就系咸点多个甜点..而且又好老实咁讲平时食𠮶啲Afternoon Tea我九成九嘅甜点都唔食㗎..真系贪得意打吓卡㗎咋
🤫 讲咗咁多废话系时候介绍吓有啲咩食..先嚟讲吓个三文鱼Mousse..佢系一份好精致嘅Mousse.. 三文鱼味香浓而且质地非常之细滑..上边仲有几粒三文鱼籽做点缀..绝对适合慢慢细味
🤫 然后即刻想讲佢哋嘅牛肉片Pudding..好欣赏佢哋做得到牛肉片全熟..但系一啲都唔韧..最紧要食牛有牛味..(应该系靓牛肉🤭) 而且Pudding焗得啱啱好..非常之香软..入边再配一啲绿色嘅辣根忌廉..整个配搭都非常之好味道
🤫 再嚟就讲吓Scotch Egg..同传统嘅一样都系有一层薄薄嘅免治肉包住一只蛋去炸..但系佢做到炸完之后入边嘅蛋依然非常流心..真系功夫之作
🤫 而个牛肉批更加系我同饭脚仔都最欣赏嘅..个批皮唔算太厚但系非常松脆..入边嘅牛肉感觉有啲似西式嘅炆牛腩..味道香浓之余..个口感非常之好..虽然成个批都好饱肚..但系我哋一粒都无净..成个食晒
🤫 然后咸点嘅最后一Part..就系我不嬲都好钟意嘅Cheese Platter啦..总共有三款芝士..我真系好后悔冇问清楚佢哋呢三只究竟系乜嘢芝士..因为其中一只系好好食㗎..! 三款芝士入边有一种系Blue Cheese..系易入口𠮶种..我呢啲妹仔口..食唔到太浓味嘅Blue Cheese..今次佢俾我哋呢一只细细啖细细啖食就啱啱好啦..另外一只我估系Parmesan..硬身芝士最啱就切片慢慢㗳..最后系我唔知佢系咩芝士..属于Semi Hard Cheese..味道系非常之适中..咸味得宜..空口食就最啱啦
🤫 急不及待要为大家介绍埋呢一餐麻甩Tea嘅甜品同埋啤酒部份..先嚟带个头盔先..因为我呢个麻甩女子好咸不好甜..所以甜食方面全部都系雀仔咁啄一下..叫做试吓个味㗎咋..其余大部份都系饭脚仔包底..唔好见怪
🤫 话说呢个Gentlemen Afternoon Tea Total有五点五个咸点..三个甜点..咁由咸过场去甜嘅呢一刻..我就嚟讲吓我认为佢系唔算咸点又唔算甜点嘅Cheddar Scones..佢对我嚟讲系好特别嘅一个Scone..佢嘅烟熏Cheddar味非常之浓郁..再加上香甜绵密嘅Texture..比起一般嘅松饼我更加钟意呢一只..配埋佢哋嘅无花果酱..真系回味无穷
🤫 然后我哋就讲吓饭脚仔话几好味嘅Devil’s Chocolate Cake..朱古力脆皮加Nuts包裹住松软嘅朱古力蛋糕..再有一啲白朱古力喺上边..味道浓郁之余真系好Evil
🤫 个人最钟意嘅甜点就系Blueberry Pie..细细件容易入口之余..酸甜酸甜嘅Blueberry酱再加面头嘅脆脆..真系相映成趣..系已经咁饱嘅情况底下令到我嘅胃醒一醒
🤫 而Tiramisu..可以话系咁多个项目里面最平凡㗎喇🤭..佢系正常好味嘅Tiramisu..碍于其他各项都相当出色..可怜嘅Tiramisu沦为正常好味嘅角色..但系饭脚仔话佢面头𠮶块杏仁脆饼相当出色㖞..(完全唔食杏仁嘅我不愿置评😳)
🤫 喂喂喂..终于嚟到我嘅业余Beer Tasting环节..haha..佢哋嘅Flights Of Beer其实相当抵玩..大佬..话晒都系五星级酒店嘅Lounge入边嘅Draft Beer㖞..百五蚊有找..有成四杯咁多..每杯仲要有半Pint左右㗎㖞..咁佢哋就包咗Asahi嘅Dark Beer同Pilsner Urquell嘅Golden Lager各二..之前都有饮过Asahi嘅呢一只黑啤..亦都相当欣赏..佢嘅烘焙味香浓..有啲似斋啡味..非常之顺滑..系我麻甩妹其中一个推介..至于Pilsner Urquell嘅Golden Lager比起普通嘅Lager更加甘香..仔细啲饮系有少少苦涩再加焦糖嘅味道..比较适合细细啖饮..两只啤酒配咸点系一流㗎..所以如果你有兴趣试呢一个Afternoon Tea而且又钟意叹啤酒嘅话..我真系强烈推介你一定要加Flights of Beer
🤫 再嚟就讲吓环境同埋服务先..咁话晒呢度都系Hotel Lounge..服务态度好基本㗎啦..但系佢哋嘅Staffs又真系每一位都好亲切㖞..尤其是阿John同埋另一位外籍嘅男士..先系问我哋需唔需要转返张Lower Table..然后又好详细咁讲解每一个项目..三不五时又会嚟关心下嘢食OK啊..啤酒满唔满意呀..甜点够唔够呀..餐饮Coffee Or Tea要唔要同一时间上..定一话食饱晒先饮呀..之后又会主动提议帮我哋影相..系𠮶种好Friendly而唔系好Hardsell嘅亲切感
🤫 至于环境呢..其实Murray Lane系位于Murray Hotel Lobby旁边嘅..佢貌似一个Lounge..又有啲似一个Bar..有少量Indoor Seats又有少量Outdoor Seats..其实都几舒服嘅..系望住啲人排队等Check-in𠮶阵有些少嘈
🤫 最后..其实小女子已经过咗𠮶种要去打卡靓靓食Afternoon Tea嘅年纪..尤其是本身就唔系太好甜..已经咸丰年冇去过Tea啦..不过真系比Murray Lane嘅呢个Gentlemen Tea深深咁样打动咗..有别于少女Tea..呢个麻甩Tea超级饱肚..一餐顶得住三餐..虽然价钱唔算系好平..但系其实佢系值呢个价钱嘅..所以真系几推介
🤫 最后细细声话俾大家知..如果你做埋佢哋集团嘅Member..喺佢哋啲餐厅ss食嘢系有Discount
张贴
