影片
更多
2022-08-30
28 浏览
介绍返💁🏻♀️。。🇹🇼 台湾菜 在观塘 🇹🇼。壹.01Liu Liang San Taiwanese Canteen。中海日升中心2楼D号舖。姜葱蜜汁排骨饭。HKD58拉丝芝士火腿蛋饼。HKD39蜜汁台湾肠。HKD15酥炸花枝丸。HKD15 @ 3 pcs牛肉汁煮风琴豆腐。HKD12卤肉汁蔬菜。HKD15双柠冬瓜茶。HKD35 @ Medium。HKD42 @ Large白桃乌龙茶。HKD31🤫 星期五嘅晚上又系出外揾食嘅好机会..今次约咗有一排冇见嘅旧同事食饭吹水..咁为咗方便旧同事放工可以即刻有得食..我就决定喺观塘一带揾吓有冇抵食又好食嘅黄店试吓先🤫 而今次睇中咗嘅就系呢一间壹.01..佢位于观塘好多嘢食嘅大厦..中海日升中心嘅二楼..舖头仔细细但系都几骨致..米白色嘅布置再加上木系嘅枱凳..感觉非常之舒适..我果然无拣错..系一个食饭吹水嘅好地方🤫 用QR code左拣右拣之后..吹两句水嘢食就嚟啦..第一样要介绍嘅就系佢哋嘅必食推介..芝士火腿蛋饼..喂呀..真系拉丝㗎..引死人咩..我冇谂过会用皮薄馅靓嚟形容蛋饼㗎..平时街外边食𠮶啲蛋饼呢..好多时都系剩得中间𠮶两件有馅架
。
。
🇹🇼 台湾菜 在观塘 🇹🇼
。壹.01
Liu Liang San Taiwanese Canteen
。中海日升中心2楼D号舖
。
姜葱蜜汁排骨饭
。HKD58
拉丝芝士火腿蛋饼
。HKD39
蜜汁台湾肠
。HKD15
酥炸花枝丸
。HKD15 @ 3 pcs
牛肉汁煮风琴豆腐
。HKD12
卤肉汁蔬菜
。HKD15
双柠冬瓜茶
。HKD35 @ Medium
。HKD42 @ Large
白桃乌龙茶
。HKD31
🤫 星期五嘅晚上又系出外揾食嘅好机会..今次约咗有一排冇见嘅旧同事食饭吹水..咁为咗方便旧同事放工可以即刻有得食..我就决定喺观塘一带揾吓有冇抵食又好食嘅黄店试吓先
🤫 而今次睇中咗嘅就系呢一间壹.01..佢位于观塘好多嘢食嘅大厦..中海日升中心嘅二楼..舖头仔细细但系都几骨致..米白色嘅布置再加上木系嘅枱凳..感觉非常之舒适..我果然无拣错..系一个食饭吹水嘅好地方
🤫 用QR code左拣右拣之后..吹两句水嘢食就嚟啦..第一样要介绍嘅就系佢哋嘅必食推介..芝士火腿蛋饼..喂呀..真系拉丝㗎..引死人咩..我冇谂过会用皮薄馅靓嚟形容蛋饼㗎..平时街外边食𠮶啲蛋饼呢..好多时都系剩得中间𠮶两件有馅架嘛..但系壹.01嘅蛋饼系由头到尾都会食到好丰富嘅馅㗎..真系好足料啊..而且佢哋落咗明太子沙律酱简直系画龙点睛..蛋饼上边仲有好多嘅干葱炸蒜同芫荽..真系忍唔住连碟底都想舐干净
🤫 然后就讲吓超级性价比嘅几个小食先..台式香肠啦..炸花枝丸啦..仲有卤肉汁蔬菜都只系卖HKD15一份..晚市而家仲有九折添..会唔会太抵玩啊..而且味道相当之唔错..台式香肠同埋花枝丸都炸得好香脆..又唔会油冧冧..外皮够晒干身之余..香肠同埋花枝丸入边仲系好Juicy..然后其实非常之欣赏呢度有得卖一小份嘅蔬菜..你知啦..成鬼日出街食嘢都系多肉小菜..呢一份清清地嘅蔬菜令到我成个人都好似健康咗咁🤭
🤫 差啲..差啲就唔记得咗介绍..相当特别嘅牛肉汁煮风琴豆腐..成条豆腐可以拉高..好似一把间尺咁长㗎..劲搞笑㖞..味道亦都相当唔错..一嚿咁大嘅豆腐疯狂咁样吸晒碟入边嘅香浓嘅牛肉汁..呢个真心推介..捞饭非常之正
🤫 最后就要讲下姜葱蜜汁排骨饭..其实我哋两条友仔Friday Afternoon各自都食得相当丰富..搞到夜晚呢一餐一啲都唔肚饿..仲有些少饱饱滞滞..但系旧同事仔系𠮶啲冇饭落肚会好空虚寂寞冻嘅人..我哋唯有叫个饭Share..点知个饭一嚟到..竟然系劲大份..好鬼大块猪扒..好鬼多姜葱..仲有好鬼多饭..猪扒炸得香脆可口..啲饭捞埋姜葱有够惹味..搞到我哋两个饱到上心口都忍唔住食晒成个饭咁滞
🤫 食咁多嘢..吹咁多水天南地北咁样..又点可能唔叫杯嘢饮润下喉呢..旧同事仔就拣咗呢度好出名嘅双柠冬瓜茶..佢话酸酸甜甜好鬼开胃..而我呢..就拣咗我最钟意饮嘅Peach Tea..今次饮热嘅..佢哋呢度系纯Peach Tea冇加甜..淡淡嘅桃味嚟得更加顺口..仲可以解吓我嘅饱滞感
🤫 总括嚟讲..壹.01嘢食嘢饮都非常高质..但系价钱就极度大众化..感觉上好似去咗台湾𠮶啲小家庭开嘅餐厅..而且职员态度友善有礼..我仲见到好多人嚟买外卖添啊..大家去开观塘真系好值得试吓呢一间良心小店
🤫 黄色经济圈
。。
翻兜指数：🙆🏻♀🙆🏻♀️️🙆🏻♀️ （5个🙆🏻♀️为翻兜爆灯）
。。
张贴
